Dílipost.com, Loron 22 Juñu 2026 – Governu sei dekreta lutu nasionál durante loron hitu (7) hodi omenajeia eis-Prezidente Repúblika, Francisco Guterres “Lú Olo”, ne’ebé hakotu iis iha Malázia. Desizaun ne’e sei formaliza liuhosi reuniaun Konsellu Ministrus Extraordináriu, enkuantu Governu prepara mos voo espesiál hodi lori mate-isin no família mai Timor-Leste.
Primeiru-Ministru interinu Mariano Assanami Sabino hatete, hodi kalan rona notisia ne’ebé tristeza ba ema hotu.
” Ita lakon ita nia lutador ida ne’ebé hakotu iis iha Malázia, Nu’udar PM Interinu hamutuk ho Makln ita hotu sei halo lutu nasionál ba loron hitu (7), oras oituan ami halo konsellu ministru extraordinário para dekleta, ita hotu sente lakon kompatriota kamaradazen ita nia Komandante,” hateten Primeiru-Ministru interinu Mariano Assanami Sabino iha Konferénsia imprensa iha Palásiu Governu.
Governu fó orienta bá Makln atu organiza voo espesiál aviaun aban sei to’o iha Timor-Leste, sei uza aviaun Aero Díli ne’ebé uza mós bandeira Timor-Leste, aluga espesiál bá Maktoban Eis-Prezidente Repúblika Francisco Guterres Lu-Olo ho família, ema seluk la sae.
Reprezenta Ix Governu Konstitusionál hato’o kondolénsia klean bá família boot, bá Partidu FRETILIN no bá povu Timor-Leste ” ita hotu sente lakon, ita hotu nia orasaun importante fó korajen ba familia oán sira, para mantein firme estuda para haktuir tuir nia aman nia ain fatin, korajen ba familia ita hotu nia orasaun akompaña maun Lu nia klamar ba sorin kuan.”
Jornalista : Dílipost.com
