DiliPost.com – Deklarasaun promove Paz liu husi Organizaun Internasional Heavenly Culture, World Peace, Restoration of Light (HWPL) fo hanoin ba mundu tomak kona ba dame.
Mensajen ne’e hato’o liu husi selebarasaun Organizaun HWPL ba dala walu (8) loron 14 fulan Marsu tinan ne’e, iha Gapyeong-gun, Korea Sul.
Ligadu ho konflitu globál ne’ebé kontinua, peritu internasionál sira halibur hamutuk atu diskute kona-ba Institusionalizasaun Pas.
Hanesan entidade hotu akompaña iha tinan 2023 konflitu sira hanesan funu Rusia-Ukrania, funu Israel-Hamas, no disputa internasionál barak ne’ebé tragikamente deklara katak ema sivíl sira-nia moris maizumenus na’in 33,000 no ema rihun ba rihun ne’ebé deslokadu.
Ho situasaun ne’ebe akontese HWPL fo hanoin kona-ba dame presiza Promove Pas liu husi Dialogu Interkultural no Komprensaun.
Tuir komunikadu ne’ebe Dili Post asesu Tersa feira (19/03) ohin, relata liu husi eventu ida ne’e halibur maizumenus peritu na’in 12,500 husi área oioin – polítiku, legál, relijiozu, edukativu, média no reprezentante sira husi setór feto no foin-sa’e sira.
Entre partisipante sira, maizumenus membru HWPL 10,000 muda ho forma ne’ebé di’ak husi funsionáriu sira no kompleta fatin serimónia komemorativu.
Iha selebrasaun HWPL ne’e hamutuk ho espesialista jurídiku internasionál sira husi nasaun 15, DPCW kompostu husi artigu 10 no klusaun 38.
Hodi esplika prinsípiu no instrumentu sira ne’ebé presiza atu prevene no rezolve konflitu, haburas sosiedade globál ida-ne’ebé pasifika, no define papél klaru ba individu, komunidade no nasaun sira atu hetan pás ba nafatin.
Aliende ne’e liu husi diskursu Ministru Buddasana, Asuntu Relijiozu no Kultural Sri Lanka S.E. Vidura Wickramanaka hatete Kompromisu no dedikasaun ne’ebé hatudu ona.
“Ita buka-tuir projetu dame nian la’ós de’it sai hanesan buat ne’ebé di’ak. Maibé, mós harii fundasaun ba mundu ida-ne’ebé armoniozu liu. Esforsu husi individuál no organizasaun sira ne’ebé haka’as an atu hapara funu no haburas kompriensaun entre nasaun sira mak inspirador tebes,” tenik Vidura.
Iha fatin hanesan Prezidente Daegak Budizmu Jogye Orden iha Korea Sul, Beopsan hateten importánsia husi partisipasaun lider relijiozu sira-nian iha esforsu harii dame inklui estudu komparativu ba eskritura sira.
“Ho objetivu inter-kultural bele hetan iha HWPL nia Gabinete Aliansa Mundial ba Pas Relijiaun nian. Relijiaun nia huun mak ida de’it no ninia signifika mak folin-boot tebes”haktuir nia.
Nune’e mos Prezidente HWPL, Man-hee Lee mos relata relijiaun oioin tenke halibur hamutuk, aprende valór sira no sai ida-idak liu husi estudu komparasaun kona-ba eskritura sira.
Komunidade relijioza sira tenke halo tuir eskritura sira-nia fiar, atu nune’e sira bele moris hamutuk ho ema iha mundu ne’e. (**)
