DiliPost.com-Estadu Timor-Leste (TL) fo omenajen ba Sua Santidade Papa Francisco, Papa Francisco Nia Mate hodi hasae bandeira ho Meu-aste.
Iha loron Tersa (22/4), Adjuntu Xefe Casa Sivil, Henriqueta Maria da Silva lidera içar bandeira no Minitu silensiu hodi fó omenajen no ondra ba falecimento Papa Francisco.
“Ita nia memória viva ba sua Santidade Amu-Papa Francisco Papa Francisco Ne’ebé hamutuk ho ita iha tinan liubá, husik hela memória no vapores importante mai ita. Valor fé, esperansa no karidade. Ita hasae orsaun ba nia iha renu lalehan,” hateten Adjunta Xefe Casa Sivi durante liedera miniu silensiu.
Prezidentz Repúblika (PR) Jose Ramos Horta, liu husi karta ofisiál hato’o nia sentimentu triste katak, “Ho laran-susar no emosaun maka’as ha’u simu notísia kona-ba Sua Santidade Amu-Papa nia mate Francisco, ne’ebé ohin fila fali ba Maromak Ita Na’i hafoin tinan sanulu-resin-rua pontifikadu nian ne’ebé marka ho haraik-an, aten-barani, no sasin luminoso ida fiar nian, justisa no domin nian ba maluk,”
“Iha tempu lutu no orasaun ida-ne’e, ha’u hato’o ba Ita-Boot nia Reverenda Eminénsia no, liuhusi Ita-Boot, ba Santa Igreja Romana no ba fiar-na’in Katóliku sira hotu iha mundu tomak, Timor-Leste nia sentidu kondolénsia sira ne’ebé laran-metin liu,” tenik PR Horta.
Tuir Xefi estadu, Memória Amu-Papa Francisco nian sei moris nafatin iha timoroan sira-nia fuan, partikularmente hafoin Vizita Apostólika inolvidável ba Timor-Leste, ne’ebé hala’o iha Setembru 2024, durante ne’ebé nia kona maka’as ita-nia Nasaun nia espíritu ho liafuan sira esperansa nian, inkluzaun nian no fraternidade nian. Ita-boot nia prezensa iha ami nia leet nu’udar sinál ligasaun espirituál ne’ebé halibur Povu Timor ho Aman Santu no Igreja Roma nian, no sei hanoin ba nafatin nu’udar bensaun ida.
“Ema ida ne’ebé mai “kuaze husi mundu nia rohan”, hanesan nia rasik refere bainhira nia eleitu, nia mak, husi inísiu, Amu-Papa besik ida, ne’ebé la’o hamutuk ho ema kiak sira, eskluidu sira, marjinalizadu sira, migrante sira, vítima sira funu nian no indiferensa nian. Amu-Papa ida Justisa nian, Dame nian, Diálogu nian, Ekolojia Integral no renovasaun Kreda nian ba dezafiu sira ita-nia tempu nian,” haktuir PR Horta.
Ninia hilin ba naran Francisco hatudu hosi inísiu kedas espíritu ninia ministériu nian:
simplisidade evanjélika, kompaixaun no kompromisu ba sira ne’ebé vulneravel liu. Nia husik hela ba ita legadu fiar nian no dinámiku, inspira ita atu kontinua obra rekonsiliasaun, perdaun no servisu nian.
TL sei iha komuñaun espirituál ho Koléjiu Kardeál sira-nian, ho Sé Apostólika no ho ema katóliku millaun resin iha mundu tomak ne’ebé ohin halerik ba Santu Padre nia saída.
“Favor simu, Ita-boot nia Eminénsia, espresaun ha’u nia estima no respeitu klean liu,” subliña PR Horta.
Jornalista : Lusiana Ximenes
