DiliPost.com-Governu liu husi Ministru Negósiu Estranjeiru no Kooperasaun (MNEK), kontinua esforsu buka hela rai, nune’e fó ba Nasaun amigu sira hari’i Embaixada. MNEK Bendito Freita hateten, agora bukat hela rai hodi fó ba amigu sira hodi hari’i Embaixada iha Timor-Leste (TL). Hateten MNEK Bendito ba Díli Post, iha Palásiu Governu, Kinta-feira ne’e.
Bandito hateten, iha reuniaun Billaterál ho Nasaun hirak hanesan, India, Singapura, Reinu Unidus, Angola nst sira hakarak hari’i sira nia Embaixada iha TL, entaun,”ita esforsu hela buka rai atu ba fó sira hodi hari’i sira nia Embaixada,”tenik nia.
Importante
Daudaun ne’e, MNEK koordena ona ho Sekretáriu Estadu Terras Propriedade (SETP), buka rai ne’ebé di’ak fó ba Nasaun amigu hirak ne’e.
“Ita nia relasaun Billaterál importante tebes hanesan India, Prezidente Republika (PR) rasik, husu mai ita atu loke sira nia Embaxada iha TL, hanoin ida ne’e, importante tebes,”katak nia.
Ho ida ne’e, Governante ne’e, promete iha tinan ne’e, nia laran rai ba Nasaun amigu hirak ne’e, iha ona. Nune’e, tinan oin bele entrega ba Nasaun hirak ne’e, hodi konstrui sira nia Embaxada.
Promete
“Ha’u promete iha tinan ida ne’e, nia laran rai ba Nasaun amigu hirak ne’e, iha ona nune’e, tinan oin bele entrega ba Nasaum hirak ne’e, hodi bele konstrui sira nia Embaixada iha ne’e,”nia akresenta.
Enkuantu, Nasaun hirak ne’ebé daudaun ne’e, sa’i belun di’ak ho TL hodi hari’i ona Embaixada hanesan Brazíl Portugal, Xina, Brunei Darusalam, Austrália, Nova Zelandia, Uniaun Europeia, Xina, Estadu Unidus Amérika (EUA), Indonésia, Japaun, Korea Súl, Maláysia, Filipina, Thailandia, Sharawy no Santa Sé.
Nasaun ne’ebé sa’i belun di’ak ho TL hanesan Nasaun Brazil, Portugal, Nova Zelandia, Portugal, EUA, Xina, Japaun, Europa, Indonésia, Korea Sharaway, Santa-Se Súl, Malaysia, Thailandia, Filipina, Uniaun Europeia, Austrália no Brunei Darusalam.(júlia)
