BAUCAU (DiliPost.Com)- Bispo Dioseza Baukau Dom Leandro Maria Alves, Inagura Ona Gruta Villa Maria Auxiliadora, Ne’ebé Sarani sira Husi Kapela Darsula Suku Gariwai Munispíu Baukau, Ne’ebé hola Inisiativa Ho Voluntariu Hodi Konstrui Gruta ne’e.
Gruta ne’e Konstrui Husi Sarani Sira husi Kapela Darsula, Ne’ebé Pertense ba Parokia Vemase, ho intensaun husi harii Gruta hodi dada sarani sira nia Prezensa ,atu hakbesik a’an liu tan Ba Kreda hodi Hametin Liu tan Fiar Ba aman Maromak.
Iha Serimónia Bensaun Ba Gruta Villa Maria Auxiliadora, Bispo Dioseza Baukau Dom Leandro Maria Alves hatete Ho Gruta Santa ne’e hatudu ba Sarani sira oinsa atu hafanub sarani ida idak ,atu bele hakbesik ba Maromak.
Bispo Dom Leandro Maria Alves Dehan, Ho Gruta Nossa Senhora Maria Auxiliadora ida ne’e atu tulun ita no hamatan ita nia Fiar,loke ita nia hanoin atu Sai Ezemplu tuir Na’in Feto maria Auxiliadora nian, tan ne’e sarani sira tenki lao Nafatin hodi fiar ba Maromak.
“Sarani sira iha ne’e ita iha Gruta no Kapela tenki hakas a’an mai reza hodi hatudu katak ita fiar ba Maromak no ita mos tenki agradese ba Maromak ba moris ne’ebé nia fo mai ita.
Gruta ida ne’e nudar fatin ida ne’ebe bolu atensaun mai ita atu hakbesik a’an liu tan Ba Maromak,tan ne’e labele husik mamuk Gruta ne’e Maibe mai nafatin hodi reza,no kuidadu didiak hodi sai matan no buras liu tan.”Hatete BispoDioseza Baukau Dom Leandro Maria Alves iha Serimonia Bensaun ba Gruta Villa Maria Auxiliadora Darsula ,Baukau Sabadu (7/10)
Ho Gruta ne’e, Dom Leandro Maria Alves mos Husu Joven sira atu hatudu Domin ba malu hanesan Maun alin no labele hatudu hahalok atu Hafahe malu,maibe Nudar Sarani husu atu hatudu Domin ba malu tuir Na’in Feto Maria Auxiliadora nia Domin ba Maromak.
Lider Masimu Igreja Dioseza Baukau ne’e husu Sarani atu kria Nafatin Pas no Dame ,nune’e ema hotu bele hametin liu tan fiar ba Maromak.
“Gruta ida ne’e hatudu mai ita liu liu joven sira tenki hadomi malu,labele hatudu hahalok atu Hafahe malu no odiu malu,maibe tenki buka atu hakbesik malu ba moris lorloron nian,tan ne’e husi ida ne’e hatudu mai joven sira atu hadomi oinsa atu tulun Desenvolvimentu ida ne’ebé hakmatek ba ita nia Rai Laran.”Lider Masimu Dioseza Baukau ne’e Hatete.
Bispo Dioseza Baukau Dom Leandro Maria Alves ne’e husu ba Sarani sira iha Kapela Darsula atu Kuida didiak Gruta ne’e ,hanesan ita kuidadu ita nia a’an lolos ,hodi bele hamatan liu tan ita nia Fiar ba Aman Maromak.
Dom Leandro Maria Alves Agradese ba Esforsu Tomak husi sarani sira,Tanba husi Gruta ne’e Lori ita atu hamanas no Haburas Sarani sira nia Fiar ba Maromak no husi Gruta Santa ne’e hodi Anima Sarani sira hodi hametin sira nia Fiar ba Maromak.
Bispo Dioseza Baukau Dom Leandro Maria Alves Agradese ba Esforsu husi Padre Paroko no Vigario sira nomos Kongregasaun madre,no Apoiu Komunidade no Sarani sira hodi hari Gruta Santa ne’e.
Maske Nune’e Katekista kapela Estasaun Misionaria Nossa Senhora do Rosario de Fátima Darasula Adélia da Costa Freitas Sublina Objectivo harii gruta ne’e atu promove sarani sira halo orasaun no devosaun ba Nain Feto.
“Harii gruta ne’e atu promove sarani sira halo orasaun, no hanorin sarani sira atu reza tersu loron-loron, ho Nain Feto nia harohan da’et bele dada sarani sira besik liu tan ba nia oan Jesus, no liu husi Nain Feto nia harohan da’et mos Maromak no grasa moris nian no salvasaun .’’ Dehan Katekista Adélia.
Katekista ne’e Haktuir ,Konstrusaun ba Gruta ne’e Inisiativa husi Sarani sira no Servisu Hamutuk ho Padre Vigario Igreja Baukau, ho tau Forsa Hamutuk liu Husi Ekipamentus Konstrusaun nian To’o Gruta Ne’e bele Remata no Hetan Bensaun husi Bispo Dioseza Baukau Dom Leandro Maria Alves.
Reportajém:Javelino Silva
