DiliPost.Com- Ministeriu Edukasaun (ME),Liu husi Sekretariu Estadu Ensinu Sekundariu Jeral no ensinu Sekundariu Tekniku Vokasional (SEESG no ESTV),Domingos Lopes Lemos ,Anunsio ona Katak Iha 16 fulan Outubro ne’e, Ministeriu Edukasaun sei Realiza Exame Nasional Tinan 2023,ba Estudantes Finalista hamutuk Rihun 56.495 iha Teritóriu Timor Leste.
Estudantes Finalista hirak ne’e Kompostu husi Estudantes Finalista Ensinu Baziku total Rihun 29.006, Ensinu Sekundariu jeral Ramutuk 23.256, Ensinu Tkniku vokasional 4.142.
“Total estudantes finalista hamutuk 56.495 ne’e mak sei partisipa iha ezame nasional, neebe sei halao iha Segunda semana oin Loron 16 Outubro 2023).”Imforma Sekretariu Estadu Ensinu Sekundariu Jeral no ensinu sekundariu tekniku vokasional, Domingos Lopes Lemos ba jornalista liu husi konferensia imprensa iha ME, Kuarta ne’e (11/10).
Governante Ne’e Esplika Total estudantes Finalista sira ne’ebé atu Tuir ezame nasional ba tinan ne’e, sei fahe ba klase tolu ,Ne’ebé Dadaun ne’e Estudantes sira prepara ona Atu Partispa iha Exame Nasional ne’e.
“kandidatu neebe prontu sei tuir ezame nasional,iha klase 9, klase 22 ba ensinu sekundariu no klase 22 ba tekvo, total hamutuk 56.495 imi prepara a’an didiak ba hodi Tuir Exame Nasional ne’e .“Katak Nia.
Materia Espesifiku Ezame Nasional Ba tinan Ne’e Hanesan Ensino Baziku :
Lingua Tetun, Português, Inglhes,Matematika,Ciensia Sosiais no Ciensia Naturais.
Ensino Sekundariu Geral
Lingua Tetun, Português, Inglesh,Matematika,Fisika,Biologis,Kimia ,Historia,Sosialogia no Geografia.
Ensino Tekniku Nasional
Lingua Tetun, Português, Inglesh, Ekonomia,Metodu kontitativa,Historia,Geografia no Siensia Teknologia.
Governante Ne’e Dehan, Ba Ezame Nasional tinan ida-ne’e, enkoraja Estudantes sira , atubm bele kopera ho inan-aman hodi prepara a’an. tuir Ezame Nasional no bele hetan valor ne’ebé di’ ak.
“Prepara imi-nia aan ho di’ak atu tuir Ezame Nasional ne’ebé besik daudaun ona. Imi-nia rezultadu aprendizajen durante tinan 9 iha Ensinu Baziku no tinan 3 iha Ensinu Sekundariu sei sukat liuhosi Ezame ne’e. Imi bele hatudu aan, nu’udar ema ne’ebé kompetente tha dixiplina sira-ne’ebé sujeita ba Ezame Nasional.” Imforma Governante ne’e.
Domingos Reforsa ,Ministerio Edukasaun, iha esperansa estudantes sira bele hetan rezultadu ne’ebé brillante iha Ezame Nasional no Hatudu katak, bele hetan Valor no susesu.
Reportajém:Javelino
