DiliPost.com-Iha biban ida ne’e, bele hateten ho pergunta simples katak, tansa Nasaun Timor-Leste (TL), ne’ebe foin hahu Restaura ninia Ukun Rasik An tinan-23, sa’i ponte Nasaun Nasaun seluk hodi hakletek distribui ai-moruk konserva Droga ba Nasaun Australia. Ida ne’e, sa’i lisaun bo’ot ba Autoridade Seguransa (AS), atu hala’o ho vizilansia maximu, se la’e futuru Nasaun sa’i oinsa.
Sorte ba Komandu Polisia Nasional Timor-Leste (PNTL), Munisípiu Liquica neon moris no matan nain. Iha loron Tersa-feira (30/09/2025), detein sidadaun-11 husi Nasaun Banglades lori ai-moruk konserva ‘Droga’ tama TL tenta ba suspeitu-2 ho vitima-9 tenta atu ba Australia.
Suspeitu,”ita idemtifika nain-2 no vitima sidadaun Banglades nain-9, agora daudaun iha ona prosesu investigasaun laran,”informa porta-voz Superintendente Polisia, João Belo dos Reis hafoin, remata enkontru ho Forsa Tarefa Konjunta (FTC), iha Kuartel Jeral, Caicoli, Kuarta-feira (01/10) ne’e.
Tenta
Porta-voz Superintendente Polisia-João hatutan, atu hato’o ba publiku Komandu PNTL Munisípiu Liquica detein suspeitu nai02 husi Banglades tanba sira tenta halo klosi illegal iha parte Batugade atu halo tentativa.
Maibe, la konsege sira fila mai,”ita deteta halo impedimentu prosesu halo identifikasaun hola parte iha Trafiku Umanu (TU), prosesu la’o hela. Sira nia planu atu dokumentu ne’ebé sira asesu no tu’ir sira nia komunikasaun ne’ebé iha, sira hakarak ba Australia liu husi teritoriu TL tama ba Kupang atu liu ba Australia.
Ezamina
Aimoruk ne’ebe sira lori,”ita se’i halo ezaminasaun ai-moruk ne’e, konserva ‘Droga’ no ai-moruk ba Saude nian se’i halo ezaminasaun,”nia informa. Sira se’i halo koordenasaun ho Ministériu Saúde (MS), ho parte Imigrasaun no Autoridade seluk ne’ebe hatene kle’an liu konaba kazu ne’e, hodi halo servisu hamutuk atu hala’o investigsaun.
Konsege
Daudaun ne’e, suspeitu 2 ho vitima nain-9 Diresaun Nasaional Servisu Investigasaun Kriminal (DNSIK), sira mai husi Banglades ho aviaun tama TL depois tenta tama mai Indonesia ho illegal, maibe la konsege,”remata Porta-voz Superintendente Polisia-João.(ercia)
