DiliPost.com-Universidade da Paz (UNPAZ), liu husi Fakuldade Ciénsia Sociais Humana (FCSH), realiza seminariu Akadémiku hodi aprezenta rezultadu Peskiza konaba Konflitu no Violensia entre Uuventude-Estudante iha Instituiasaun Akadémika.
Violensia ne’e, buat ida la di’ak, tanba konsikuensia husi Violensia ne’e, bele hamosu vítima estraga ema nia sasan. Maibe, Violensia nafatin akontese bebeik, serake Ensinu Superior (ES), mak la bele Eduka Estudante, Sosiedade no ba inan-aman sira mak la ta’u importánsia hodi halo kontrollu ba oan sira.
Dala ruma ema interpreta fali demokrasia ne’e, uza sira nia diretu hodi halakon ema seluk nia diretu, buat ida laloos, demokrasia ida loos ema ida uza nia diretu, maibe la bele hanehan fali ema seluk nia diretu, afirma Dekanu FCSH, Fernando Dias Gusmão iha Salaun Jose Kasimiru, UNPAZ, Kuarta feira (01/10/) ne’e.
Konflitu
Dekanu FCSH-Fernando hatutan, konflitu entre Juven-Estudante sira nafatin akontese to’o ohin loron. Ho nune’e, tema ida ne’e, pertinente tebes atu parte hotu ta’u hanoin hamutuk oinsa atu prevene violensia la bele sa’i fali ábitu ida ba iha rai ida ne’e.
Nia haktu’ir, Violensia ne’e, buat ida la di’ak, tanba konsikuensia husi Violensia ne’e, bele hamosu vítima estraga ema nia sasan. Maibe, Violensia nafatin akontese bebeik, serake Ensinu Superior (ES), sira mak la bele Eduka Estudante sira, Sosiedade no ba inan-aman sira mak la ta’u importánsia hodi halo kontrollu ba oan sira.
Prevene
Fatin hanesan, Xefi Departamentu Estudu da Paz, Azerino do Carmo Vieira hateten, liu husi Estudante sira nia Peskiza, oinsá atu hatene konflitu lolo’os no oinsá atu prevene konflitu hodi bele dezenvolve rai ida ne’e, ho di’ak.
Tanba, Departamentu Estudu da Paz kontinua la’o, prodúz ona Estudantes lubuk ida no kontribui ona ba dezenvolvimentu, maski Estadu seida’uk rekoñese máximu ba estudu hirak refere.
Kontribui
“Ha’u sujere ba parte Governu atu bele ta’u osan uitoan ba estudu ba paz hodi bele halo Akreditasaun, tanba estudu importante tebes hodi kontribui ba rai ida ne’e,”konfesa Xefi Departamentu Estudu da Paz-Azerino.
Enkuantu orador ne’ebé ko’alia iha seminariu ne’e, husi Diretur Ezekutivu Organizasaun Belun, Luis Ximenes hanesan I-Oradór. Ko’alia kona ba ‘Estudu Rizku Sosial Konaba Arte Marsiais Rituias Iha TLeste.’
Orador-II, reprezentande Estudantes Peskizador husi estudu ba paz, Joanico Tilman, ko’alia konaba ‘Jestaun ba Paz no Konflitu Iha Areadores UNPAZ.’ Seminaru Akadémiku ne’e, iha kolaborasaun Estudante Departamentu Estudu da Paz hamutuk ho Senadu FSSH no UNPAZ.(any)
