DiliPost.com-Polisia Nasional Timor-Leste (PNTL), liu husi Departamentu Investigasaun Kriminal Nasionál (DIKN), nafatin alerta se’i hamutuk ho parseiru sira buka identifika Kompañia hirak ne’ebe koke jogu falun ho Krimi Online Scan ou bosok ten ‘Penipuan.’
“Ita hamutuk ho parseiru sira, tantu Internasionál no Nasionál kontinua alertá no buka tu’ir no identifika Kompañia hirak ne’ebé loke sira ninia negósiu mais falun ho jogu Online no falun ho scan Online,”informa DIKN, Superintendente Polisia, Joao Belo dos Reis ba Jornalista iha Sala Ministeriu Interior (MI), Vila-Verde, Kinta-feira ne’e.
Promete
DIKN, Superintendente Polisia-Joao promete, Autoridade Seguransa (AS), se’i la fo fatin ba Kompañia ne’ebe hala’o negosiu falun ho Krimi Clem Online Scan fo impaktu tebes ba Timor-Oan.
“Ita se’i hala’o tracking nafatin atividade jogu Online iha Timor-Leste (TL), kontribuisaun ba ba oin no ba iha Oecusse komesa hamutuk ho parseiru sira se’i halo tracking nafatin,”tenik nia.
Intervensaun
Ligadu ba Empreza ou Kompañia balun ne’ebe loke ona jogu Clem Online Scan husi AS hanesan Polisia Sientifika Investigasaun Kriminal (PSIK), DIKN hala’o ona intervensaun balun hanesan iha Oecusse foin lalais.
“Ita mos se’i identifika jogu Online ho tipu Clem Online Scan iha territoriu laran tomak. Dala ida tan ohin operasaun iha parte Oecusse hala’o komunikasaun ho parseiru sira husi rai li’ur halo tracking ba movimentu grupu organizadu fo informasaun ba ita, ita atua,”DIKN-Superintendente Polisia-Joao relata.
Aparellu
Kualker jogu Online mai ho nia aparellu barak, ema bolu Scan ou ‘Penipuan,’ nune’e, husu sidadaun sira persiza matenek hodi hatene tipu jogu Online sira, la bele vitima ba Kriminozu organizadu hirak ne’ebe agora la’ó daudaun.
“Ita hirak ne’ebe utilizador Media, ema dehan hanoin uluk antes klik, tanba Telefone ne’ebe ita uza diskuva kualker tempu, utilizador Media Sosial (MedSos), tenke tetu didi’ak, antes tama,”nia konklui.
Lisensa
Antes ne’e, Governu liu husi Inspetór Jerál Jogu (IGJ), fó lisensa ba atividade jogu Online-7, maibé daudaun ne’e, 4 mak halo ona atividade iha Dili laran. Jogu Online-4 ne’ebé hala’o ona atividade iha Dili laran ninia operador mak Kompaña ARL Kapstaad Unip.Lda, Frandes Doutel Unip.Lda, Amizade Sentru Online Lda, ho MJX Monjuxacar Lda.
Operasaun
ARL Kapstaad Unip.Lda, nia fatin iha Delta besik ponte foun no nia ramu-1 iha Bebonuk hetan lisensa operasau durante tinan-15. Empreza Frandes Doutel Unip.Lda, nia fatin jogu Online iha Kulu-Hun, Loza Jacinto Group nia oina hetan lisensa tinan-2 no daudaun extende ba tinan-1 de’it.
Amizade Sentru Online Lda, ninia atividade jogu Online iha Sede Suku Bemori nia oin no nia ramu 1-2. Ida iha Fatuhada ho Metiaut, Kulu-Hun no iha Delta nian fó ona servisu ba juven 6.00 no Empreza MJX Monjuxacar Lda, nia fatin atividade jogu Online iha Timor Plaza (TP), CBD4 ho nia ramu-1 iha Delta.
Jogu Online prevee iha Dekretu-Leí numeru 6/2016 iha Artigu 3 ko’alia konabá definisaun modalidade jogu no Online iha ne’ebá prevee hotu iha Leí.(ercia)
