DiliPost.com-Srani sira hahu husi labarik kiik to katuas ferik nomos Joventude sira,antusiasmu hodi hein simu vizita Sua sentidade papa Francisco ne’ebe sei to’o iha Aeroportu Prezidente Nikolau lobato iha tuku 02 :00 Oras Timor Leste.
Informasaun ajenda vizita santidade papa Fransisco nia mai iha Timor-Leste iha loron 9 fulan September tinan 2024,molok vizita Timor-Leste Santidade Papa Fransisco halo vizita uluk ba iha Nasaun Vizinho Indonesia,iha loron 3 fulan Setembru to’o loron 6. Sntidade papa Fransisco kontinua halo vizita ba iha Nasaun Papua New Guneia,iha loron 6 to loron 9 kontinua mai Timor-Leste.
Iha vizitasaun santidade Papa Fransisco nia hafanun srani katolika tomak iha Timor nomos komunidade sira hotu tantu husi labarik kiik,katuas ferik nomos Joventude sira hotu,ho antusisasmu kaer Bandera Timor-Leste,Bendera Vatikano nomos imblema Santidade Papa Fransisco nian, hodi hein atu simu vizita Papa nia.
Srani sira balun hahu hein santidade papa Fransisco nia vizita iha tuku 9 :00 dader balun tuku 10:00 oras Timor-Leste,hodi hadau fatin oinsa bele hare no hetan bensaun husi santidade Papa Fransisco nia wainhira to’o iha Timor.
Tuir sarani Mafalda do Santos hatete nia parte kontente tamba amu papa atu vizita Timor tanba nee nia rasik sai husi uma tuku 9:00 dader maske amu papa nia vizita to iha Timor tuku 2:00 lokraik oras Timor-Leste,tanba aproveita fatin iha oin atu bele hare besik nomos simu bemsaun husi Amu Papa Fransisco rasik.
“Hau sai husi uma tuku 9 :00 dader maske hau hatene amu papa sei to iha Timor tuku 2:00 lokraik,hau mai sedu para hadau fatin iha oin oinsa amu papa Fransisco tun karik,liu hau bele hare ho matan besik nomos bele hetan bensaun husi amu papa rasik,tanba opprtunidade ida nee lamai tan ona to hau mate,tanba nee hau tenki aproveita kedas agora, “dehan Mafalda ba DILI Post iha Komoro Dili,Segunda ohin.
Iha Sorin seluk Agusto Sarmentu hatete sente orguilo maske loro manas no hamlaha maibe la hamonu vontade ninia atu simu santidade papa Fransisco,tanba papa Fransisco hanesan Santu Padre husi uma kreda katolika.
“Hau kontenti nomos orguilo wainhira rona Amu Papa Fransisco atu mai vizita ita,hau kontente tebes tamba nemak hau rasik sai husi uma jam10:00 dader to agora maske hamlaha maibe hau nafatin hein to amu papa tun hodi bele hetan bensaun rasik husi amau papa,tanba amu,papa hanesan Santu padre nebe mak Nain Jesus rasik hatudu hodi sai aman ba uma kreda katika iha mundu.” tenik sarani ne’e.
Nia hatutan Amu papa nia vizita hanesan grasa ida ba Timor oan hotu atu bele hetan bensaun,tanba tinan barak ona mak Timor oan hein vizita santidade papa Fransisco nia.
Tuir informasau nebe mak DIli Post-asesu katak Vizita santidade Papa nia mai Timor ba dala rua,ona ne’ebe uluk vizita husi sua santidade Papa Joao Paulo II ,iha Tinan 1989 nebe uluk Timor sei sai 27 propinsi husi Indonesia,ne’ebe agora Timor ukun An, liu tinan 35 hetan fali vizita ba segundu nia husi santidade Papa Fransisco,tanba Timor oan hotu sente orguilo no kontente hodi simu vizita santidade Papa Fransisco nia iha Timor-Leste.(Aldo)
