DÍLIPost.Com-Liu Husi Reuniaun Konselu Ministru Ne’ebé Lidera husi Primeiro Ministru Xanana Gusmão iha Kuarte ne’e,Seidauk Bele Foti Desizaun Ikus hodi Taka Aktividade Grupu Artemarsiais No ritual,Tanba ekipa Konjuta sei Buka tuir hela Motivu sira Husi Akontesmento ne’e.
“hafoin halo análize ba konflitu sira foin daudaun ne’e iha parte balu territóriu nasionál nian, ne’ebé provoka husi elementu grupu rivál artes marsiais, no haree ba lakon vida ema nian no nesesidade hodi hatuur orden públika, deside, tuir lei ne’ebé vigora hela, hodi halo rekolla informasaun hotu ne’ebé nesesária, hamutuk ho entidade relevante sira hotu, ho objetivu atu foti desizaun iha tempu badak kona-ba medida sira ne’ebé sei adota/foti hodi hatuur filafali orden públika.” Sita iha Komunikadu ne’ebe Dilipost.com Asesu Kuarte ne’e (8/11).
Vice Ministru Asuntu Parlamentar Aderito Hugo Imforma, Liu Husi Reuniaun Komselu Ministru Extraordinario iha Palasio Governu Kuarta ne’e, Governu Konstituisional Da sia Seidauk iha Desizaun Final, atu Taka Hikas Aktividade Grupu Artemarsiais No Arte Ritual (GAM-GAR).
Governante Ne’e Esplika, Ho Akontesmento Atake malu entre joven no Grupu sira foin lalais iha Fim Fulan Outubro no Inisiu Fulan Novembru ne’e, iha Munisípiu Baukau, Vikeke no Bobonaro, Primeiro Ministru Kayrala Xanana Gusmão Rasik, Orienta ona Entidades Hotu hotu atu Rekoilha Dadus ka Imformasaun sira ,Ligadu Ho Akontesmento foin lalais ne’e, molok Governu foti Desizaun Taka Aktividade Grupu Artemarsiais No Arte Ritual sira.
“Seidauk iha Desizaun Final ,Agora sei Elabora hela tanba asuntu ne’e Akontesemento Exporadiku no povu hotu hakfodak ba Akontesemento ne’e, Tanba nia nivel ne’e Grave ba nasaun ka Estadu no povu.”Vice Ministro ne’e Imforma Hafoin Remata Reuniaun Komselu iha Palasio Governu.
Aderito Hatete ,Tuir nia Katak Asuntu ne’e Laos fasil para atu Deskute iha Oras ida ka rua nia laran ,maibe Governo presiza hare no Avalia didiak nia Kauza lolos molok foti Desizaun ida ne’ebé ho Lolos,nune’e bele Hapara Actus Violensia ne’ebé perturba Ordem Publika, no Perturba Desenvolvimentu pais .
Governante ne’e afirma ho problema ne’ebé Akontese iha Suku Karabau no Suku Lourba postu Administrativu Bobonaru Munisípiu Bobonaru, Dadaun ne’e Parte Kompetente husi Seguransa no Defeza sei Elabora hela ba Akontesemento ne’e,molok Governu Liu husi Reuniaun Komselu Foti Desizaun ikus taka Aktividade Organizasaun Artemarsiais no Arte Ritual.
“Primeiro Ministru ho Ekipa hala’o hela servisu namanas hela,molok foti Desizaun korekta ba Actus Violensia imediaata iha tempu Badak. “Deklara Vice Ministru AP.
Vice Ministru Asuntu Parlamentar ne’e, Imforma Dadaun ne’e Primeiro Ministru Orienta Entidades hotu hotu atu Envolve Tantu Seguransa no Defeza hodi rekoila imformasaun lolos husi Akontesemento ne’ebe foin lalais akontese iha Fulan Outubro no Novembru ne’e.
“Hato’o ona ba Entidades hotu atu rekoila imformasaun lolos kona ba Perturbasaun Ordem ne’ebe Komete husi Joven sira ,Grupu sira,no tenki halo Analiza didiak molok foti Desizaun Lolos.” Afirma Aderito Hugu.
Vice Ministru ne’e ,Kompara Hafoin Oitavu Governu Konstituisional Ne’ebé Lidera husi Primeiro Ministru Taur Matan Ruak iha Altura ne’e, Deside Reativa tiha ArtemarsiaisNo Arte Ritual sira, no Estabelese tiha Lei Komisaun Reguladora Artemarsiais (Kram), No Hamosu politika Governu nian hodi Apoiu Tan subsidiu ba Grupu Artemarsiais No Arte Ritual sira, maibe Joven ka Grupu kontinua Kria Instabilidade iha Rai Laran.
“Governu Reativa no Apoiu subsidiu sira ne’e, mesti governu sira nian ba ,ita seidauk Hetan Instituisaun ida ne’ebé nia Komtribuisaun ba Paz no Estabilidade liu husi Organizasaun GAM GAR ne’ebe Komete.” Dehan nia.
Ho Actus Violensia ne’ebé Komete husi Joven no Grupu Artemarsiais No Arte Ritual sira, Vice Ministru Asuntu Parlamentar ne’e Deklara Governu sei foti Desizaun Imediata hodi Taka Total Actus Violensia ne’ebé Perturba Ordem Publika. (Javel)
