DILI Post- Sekretariu Estadu Asunto Toponomia Orbanizasaun Urbana (SEATOU),Germano Santa Brites Dias Hasai ona Alerta ba Populasaun sira ne’ebe Kontinua Hela iha Mota Ninin Husi iha Area Bebonuk, Beto ,Fomento to’o Kansanafar Atu Hamamuk ona Fatin Fatin Molok Ekipa konjuta husi SEATOU Destake ba Tereno.
“Primeiro Ministro Maun Bo’ot Xanana Mak sei husu ba imi, Mota mak tun uluk ka Imi mak Hela Uluk? Ou Doutor Mari Alkatiri mak Husu ,ba imi Mota mak Iha uluk ka Imi mak iha Uluk? ,Mais Ba hau Lae! Hau ba Atu husu Deit Mota nia Direito mak ida ne’ebe. Tanba hau lakoi Bee atu tama fali ba ita nia uma.Agora ita hare Husi Diresaun Ponte Hinode II nian to’o Dalan ba Aileu maioria trotoar leten ne’e Okupa hotu Espasu Publiku, halo tan uma iha Bronjong leten (Moru Protejidu), loke tan Bengkel,tan ne’e SEATOU husu ba Populasaun sira bele Hamamuk fatin hirak ne’e .” Imforma SEATOU iha programa Meet The Press iha Palasio Governo sesta semena kotuk.
Governante ne’e esplika Ekipa Konjunta iha Semana hirak ba kotuk,Hahu Hato’o ona avizu ba Komunidade sira ne’ebe okupa Espasu Publiku husi Diresaun Pantai Kelapa, Besik Pertamina internasional ,Tesik ba Mota ain Bebonuk no Sae ba Fomento no Kansanafar Atu hamamuk ona fatin.
“Uma sira ne’e ita regista hotu ona iha fulan kotuk,nemak avizu mos ita lao dadauk ona,nune’e sira hamamuk ona tasi ibun ida ne’e no mota ninin sira.”Esplika Germano.
SEATOU mos Hasai ona Avizu ba Populasaun sira ne’ebe hela ka konstrui uma iha Mota ninin no mota laran husi Mota Ain Bebonuk,Beto ,Fomento, to’o Kansanafar diak liu hamamuk ona fatin.
” ita sei servisu ho MOP Dezaraska hodi muda sira no dudu to’o hetan Bronjong ne’ebe hari ,tanba sira halo uma tama to’o ona mota laran.” Nia Alerta.
Tuir Desizaun Sekretariu Estadu Asunto Toponomia Orbanizasaun Urbana, atu muda Komunidade sira ne’e, tanba lakoi Komunidade sira atu afeta ba Dezastre Naturais, Wainhria akontese udan no mota tun ,ikus Hetan estragus fo sala fali governo,tan ne’e Governu alerta atu hamamuk fatin.
Iha Sorin Seluk Xefi Suku Bebonuk Serafim Machedo Rekoñese Komunidade barak mak Okupa Espasu Publiko iha Area ne’ebe Ekipa Konjunta SEATOU Identifika ona,Maibe Komunidade sira Husu Governo Atu Kria uluk Kondisaun Digno molok hasai sira husi Fatin ne’e.
“Sira prontu sai Maibe governo ajuda netik buat ruma ,hanesan kalen ga buat seluk nune’e sira ba halo fila fali sira nia uma.” Haktuir Lideransa Komunitaria ne’e.
Serafin Haktuir Parte Autoridade lokal Suku Bebonuk mos hato’o ona Preokupasaun Komunidade nian ba parte kompetente hodi bele tau iha konsiderasaun molok Hasai Nia komunidade husi fatin ne’ebe Governu notifika ona.
Tuir dadus ne’ebe Autoridade Suku Bebonuk rejista Total Komunidade ne’ebe hela iha Tasi ibun Bebonuk hamutuk Uma 50, no Komunidade sira ne’ebe hela iha Mota ninin ka Mota laran ,Area Bebonuk hamutuk uma 30 Resin.
Jornalista:Javelino Silva
