DiliPost.com(ERMERA)– Komunidade Aldeia Olpana Suku Eraulo, Postu Administrativu Letefoho, Munisípiu Ermera, riku Produtu Lokál (PL), oioin, maibé la bele asesu ba Merkadu tanba kondisaun Estrda la di’ak inklui la iha Bee Moos.
João de Deus nu’udar komunidade hateten, Aldeia Olpana iha PL hanesan, modo, kobi, mostarda, angriaun, ai-farina, talas no fehuk midar. Maibé, Estrada a’at iha tempu udan transporte la bele asesu, komunidade sira mos la iha Bee Moos, tenke la’o do’ok hafoin kuru.
“Ami nia Estrada a’at, Kafé bele barak ami hein de’it iha fatin la’o ba la di’ak, Estrada a’at liu fali, ba buat hotu bele di’ak hela, udan sedu ami se’i uza. Maibé, udan tarde ami la’o do’ok.
Ho distansia 24 km, konaba prudut buat hotu iha, atu asesu ba Merkadu susar, tempu bain loron kontente, udan mai a’at nafatin. Aleinde ne’e, udan mai ami kontente udan la mai ami sa’i arazka nafatin.
Ba ami Aldeia Olpana, la husu buat barak, maibé ami husu de’it be’e no hadi’ak ami nia Estarda ida ne’e,”hateten João ba Jornalista iha Aldeia Olpana, Suku Eraulu, Postu Letefoho, Munisípiu Ermera, foin lalais ne’e.
Merkadoria
Fatin hanesan Maria de Deus Maia nu’udar, Xefi juventude Aldeia Olpana haktu’ir komunidade Olpana maiória moris ho vida Agrikultór. Maibé, la bele asesu ba iha Merkadoria.
Tanba, estrada husi Aldeia Olpana liga ba Letefoho villa kondisaun dalan grave tebes, nune’e ha-susar komunidade sira atu lori sira nia produtu atu assesu ba iha Merkadu.
Vida
Komunidade Olpana maiória moris ho vida Agrikultór, maibé la bele asesu ba iha Merkadoria, tanba Estrada husi Aldeia Olpana liga ba Letefoho villa kondisaun dalan grave tebes. Nune’e, hasusar komunidade sira atu lori sira ninia produtu atu assesu ba iha Merkadu.
Relasiona mós ho Mudansa Klimátika (MK), agora daudaun dezenvolve maka’as, lori tebes impaktu ba komunidade Aldeia Olpana, be’e maran tenke la’o do’ok hafoin kuru do’ok husi Merkadu.
MK mos fó impaktu negativu ba komunidade iha ne’e, nia moris, iha tinan-2 ba kotuk problema bo’ot liu mak be’e. Tanba, iha ne’e, komunidade maioria hela hotu iha leten be’e iha kraik.
Entaun, susar loos ba sira atu asesu ba be’e iha tinan hirak ba kotuk,”ami hetan ona programa Planu Nasional Dezenvolvimentu Suku (PNDS), halo ona kanalizasaun ba be’e, maski ho distansia 20 km, problema Bee Moos falla tanba kauza husi MK,”afirma Maria.
Entretantu, observasaun husi Dili Post, nota katak, projetu instalasaun Be’e Moos husi PNDS antes ne’e, la’o hela. Maibé, daudaun paradu hela, tanba dezkonfia mosu fallansu iha prosesu kanalizasaun ba komunidade sira.
Jornalista : Julia Lurder do Rego
