Dílipost.com, Loron 17 Fevereiru 2026 – Komunidade Xineza iha Timor-Leste selebra Loron Xineza ho solene no animadu iha Xina Maromak, Díli. Selebrasaun ne’e realiza ho objetivu atu marka tinan foun Xineza no hato’o respeitu ba tradisaun no kultura sira ne’ebé rai metin husi bei-ala sira.
Iha programa ne’e, komunidade Xineza hato’o sira-nia fiar liu husi apresentasaun dansa tradisionál Barongsai, ne’ebé sai hanesan simbolu sorte di’ak, prosperidade no protesaun.
Aleinde ne’e, sira mos halo ritual Xina nian atu husu bensaun ba tinan foun, atu fo saúde, dame no susesu ba komunidade tomak. Atmosfera iha fatin ne’e nakonu ho dekorasaun kor mean no douradu, ne’ebé normal ba selebrasaun Loron Xineza.
komunidade lokal no membru komunidade Xineza sira, marka prezensa atu partisipa no haree direta atividade kultura ne’e. Selebrasaun ne’e la’ós deit hanesan eventu relijiozu no kultura, maibé mos sai momentu ida atu hametin relasaun entre komunidade sira iha Timor-Leste.
Depois hosi atividade iha Glensin Four, komunidade Xineza no konvidadu ofisiál sira ba tuir serimónia iha Embaixada República Popular da China em Timor-Leste. Iha ne’ebá, realiza programa ofisiál ho diskursu no momentu interasaun entre reprezentante governu no embaixada.
Atividade ne’e hetan partisipasaun husi Vise-Primeiru-Ministru Francisco Kalbuadi Lay, Loron Xineza iha Timor-Leste tinan ida-idak sai hanesan prova ida katak rai ne’e riku ho diversidade kultura no toleránsia. Selebrasaun ne’e la’ós deit marka kalendáriu Xineza nian, maibé mos sai ponte amizade ne’ebé liga metin liu tan relasaun diplomátika no povu- ba-povu entre nasaun rua.
Jornalísta : Azacsi Quintão
