DILIPost.com– Primeiru-Ministru, Kay Rala Xanana Gusmão husu ba juvendetu sira iha munisipiu hotu- hotu atu partisipa iha kompetisaun harii prezepiu natál ba dame hosi festa selebrasaun loron Santo Natál 25 Dezembru no tinan foun 2024.
Husi Kompetisaun Natal ba Dame ne’e, Xefe Governu Ne’e Deklara sei delega ekipa ida hala’o vizita ba munispiu no bairu idak-idak atu halo avaliasaun ba bairru ne’ebé juventude sira kreativu harii prezepiu di’ak liu sei premiu hosi governu.
“Ha’u apela ba juventude iha Dili no munisipiu hotu- hotu iha kada suku imi hola parte ba tuir kompetisaun harii prezepiu natál hanesan uluk halo tiha ona. Ho ida ne’e sei fó premiu primeiru Lugar, segundu lugar, terseiru lugar to kintu lugar ne’e ba prezepiu di’ak liu.”Dehan PM Xanana iha Taibesi Foin lalais ne’e.
Xanana Dehan halo Prezepiu iha Bairo bairo ne’e, Maibé ho kondisaun, juventu iha iha suku laran tenki harii paz ho domin, labele tuku malu no estraga malu.
“se prezepiu ida iha suku laran maka hetan primeiru lugar, maibé ema baku malu no tuku malu ne’e lamerese hetan.” PM Xanana Fo hanoin.
PM Xanana husu atu juventude sira idak-idak hatudu sira nia kreatividade no dezeña prezepiu natál labele uza materiál besi no tenki konstrui uma prezempiu ho materiál tradisional hanesan, ai, ka au, duut hali abut no pinta prezepiu natál no Menino Jesus bele uza kor oin-oin hodi hafurak uma prezepiu ho diak.
Governu sei koordena ho Komandu Jerál Polisia Nasionál Timor-Leste atu halo kontrolu ba kualker prezepiu natál ne’ebé harii besik estrada labele tuur no hemu tua iha laran.
Alende ida ne’e, governu la premite atu juventude sira kria konflitu durante selebrasaun loron santo natál no tinan foun. Tanba natál no tinan foun atu lori moris dame no kslok ba ema hotu.
Dadadau ne’e governu mós harii ona prezepiu iha Palasiu Governu no Palasiu Prezidensiál Prezidente Nicolau Lobato Dili, no jardin sira iha sidade Dili komesa monta ona lampu oin-oin hodi hafurak ambiente natal no tinan foun.(Javel)
