DiliPost.com– Iha fulan Marsu tinan 2025, maizumenus profesór no estudante na’in 625 halibur hamutuk iha Kolejiu Islamiku Tailandia hodi komemora aniversáriu deklarasaun Pas no Declaration of Peace and Cessation of War (DPCW), ne’ebé propoin husi Organizaun Naun Govermental Internasional Heavenly Culture, World Peace, Restoration of Light (HWPL).
Liu husi Sorumutu ne’e partisipante sira hato’o sira-nia esperansa ba pás mundiál no unifikasaun Koreia nian liuhusi hakerek “Liafuan dame nian” hodi apoia DPCW. Sira mós halo filme ida ho tema “We Are One for Korea,” hodi haruka mensajen dame nian ba sidadaun globál sira.
Nune’e mos iha loron 14 Marsu 2016, HWPL fó sai DPCW, ne’ebé elabora ho partisipasaun peritu direitu internasionál sira husi nasaun 15. Deklarasaun ida-ne’e kompostu husi artigu 10 no klase 38, ninia objetivu mak atu hadi’a fali espíritu ne’ebé sai hanesan baze ba estabelesimentu Nasoins Unidas nian no atu alkansa pás sustentavel liu husi promove valór universál sira komunidade nian. DPCW inklui prinsípiu no medida sira atu prevene no rezolve konflitu no sustenta sosiedade globál ida-ne’ebé pasifika.
Tuir komunikadu ne’ebe Dili Post online asesu, Domingu (16/03) ne’e, husi Organizaun HWPL relata katak eventu komemorativu ne’e akompaña husi programa ida-ne’ebé organiza didi’ak, hahú ho introdusaun kona-ba HWPL no DPCW.
Tuir mai partisipante sira hakerek vídeo “Together Challenge” hodi fahe mensajen dame nian. Sira mós hakerek karta kona-ba dame, hodi hato’o sira-nia esperansa ba unidade iha Peninsula Koreia. Eventu ne’e remata ho rejistu membru foun 200 ba HWPL.
Hafoin asina tiha MOU ho Kolejiu Islamiku Tailandia iha tinan 2022, HWPL kontinua hola parte iha atividade interkámbiu kulturál no voluntáriu sira hanesan Klase Hanorin Koreia iha eskola.
Aliende ne’e iha tinan kotuk, organizasaun ne’e fornese formasaun edukasaun dame ba profesór sira no ajuda estabelese eskola hanesan dahuluk iha Tailandia hodi introdús edukasaun dame iha klase hotu-hotu.
Iha fatin hanesan reprezentante professor ida iha Kolejiu Islamiku Tailandia, Chollada Suawong hateten sira hala’o ona atividade oioin iha eskola hanesan edukasaun dame, dalan dame, kompetisaun dezeñu dame, no klase troka lian Koreia nian.
“Ida ne’e foin primeira-vez ami hakerek mensajen dame nian ba unidade Korea nian no suporta DPCW, hodi halo ida-ne’e sai esperiénsia ida-ne’ebé memoravel tebes. Jerasaun foin-sa’e sira presiza aprende oinsá atu respeitu no hadomi malu no oinsá atu harii dame iha sosiedade. Atividade dame nian husi PEDL sempre di’ak atu promove valór hirak-ne’e. Obrigadu barak ba imi,” haktuir Chollada.
Nune’e mos ofisiál ida husi HWPL hateten apoiu ba Unifikasaun Peninsula Koreia nian iha eventu komemorativu ida-ne’e importante tebes, tanba iha istória Tailandia mantein relasaun besik ho Korea. Ida ne’e inklui nia partisipasaun iha Funu Koreia, durante ne’ebé Tailandia haruka maizumenus soldadu na’in 12,000 nu’udar parte husi forsa Aliadu atu ajuda hadi’a dame iha Korea.
Iha fulan Maiu oin mai, eskola ne’e sei hala’o aniversáriu ba dala 12 husi HWPL World Peace D. (**)
