Dilipost.com, Loron 30 Dezembru 2025– Autoridade Lokál Suku Sikone Adelino Luís, hateten katak be’e tama ba komunidade nia uma tanba valeta ne’ebé intopidu, hodi halo inundasaun iha komunidade. Tanba situasaun ne’e, autoridade lokál halo limpeza no normalizasaun valeta hodi fasilita be’e la’o normal fila fali.
“Orseik akontese, ami halo limpeza tiha kedas. Bee la’o normal tuir dalan, maibé setiap kali udan monu, bee sei afeta tanba kompañia ne’ebé kaer obra soe fatuk taka valeta. Tanba ne’e, ami halo normalizasaun hodi bee bele la’o normal fali,” hateten Adelino Luís ba Jornalista DP liuhusi via telefone, Segunda-feira(30/12/2025).
Inundasaun akontese iha oras 14:00, no afeta uma kain nen (6). Be’e sae to’o dapur no laran uma sira, maski tama to’o komunidade nia tos, Inundasaun mos lori hotu batar ne’ebé komunidade kuda hela.
Durante akontesimentu inundasaun, seidauk iha ajuda ruma husi parte relevante, duranre inundasaun Autoridade Lokál seida’uk hatete ba parte APC iha munisípiu hodi husu atensaun ba situasaun ne’e.
Depois inundasaun, vitima sira kontinua hela iha sira nia uma. Ohin dadeer, komunidade balu komesa hadia fali sira nia dapur, tanba be’e lori sanan bikan fos sira lalin mai tama uma laran. Inundasaun ne’e estraga sasan dapur, fos, no mós ai-farina ne’ebé komunidade kuda.
Iha tinan ikus ne’e, kada liu udan monu maka inundasaun sempre akontese iha Postu Barique, liuliu iha suku tolu sira ne’ebé afeta hela: Suku Sikone, Suku Aubeon no Suku Abato.
Iha Suku Sikone rasik, aldeia rua mak afetadu direta, maka Aldeia Oe-Unu no Aldeia Oekaldia. Obra valeta ne’e kaer husi Kompañia Aetula durante tinan 4 to’o 5, no agora dadauk finaliza ona, maibé problema inundasaun seidauk resolve ho di’ak.
Jornalista : Azacsi Quintão
