DiiPost.com – Prezidente Nasionál RSL Austrália, Greg Melick ho nia ekipa halo vizita ba Museum rezisténsia Timor-Leste (TL) ho objetivu hametin lasu amizade entre veteranu Timor-Leste ho Austrália.
Iha vizita ne’e Prezidente Nasional RSL, Austrália Greg Melick hateten informasaun barak kona ba istória Timor-Leste nian, nune’e Timor oan tomak sente orgullu katak, iha museum hanesan ne’e esforsu maka’as atu halibur informasaun ba kontinua ba otas ba otas.
Aliende ne’e, nia dehan TL no Austrália nia amizade kleur los, hahú ho Segundu guera mundiál ne’ebé TL suporta maka’as ba Austrália. Ne’e duni, ho vizita ida-ne’e fo hanoin fila-fali katak Austrália lahaluha no hakarak kontinua nafatin apoiu tuir sira nia kbi’it ho programa edukasaun, Saúde Parseira ne’ebe halo dadaun husi ekipa veteranus rasik.
“Hau haksolok tebes mai haree Museum ne’e kapás. No kapas tebes prezerva memoria husi erói sira nia hodi tutan no fo hanoin ba otas foun kona-ba sakrifisiu tomak ne’ebe otas liu ba halo ba Timor-Leste,” “dehan Prezidente Nasionál RSL Austráli ne’e ba jornalista iha Museum Kuarta feira (19/06) ohin.
Tan ne’e, nia relata kona ba Austrália sei haree memória funu nian, ne’ebe sei haree saida mak atu bele halo iha memorandu ida.
Iha fatin hanesan, Diretór Ezekutivu Arkivu Museum Rezisténsia Timorense (AMRT,I.P, Jorge Alves “We Mori” katak , Museum Rezisténsia Timorense hetan vizita importante husi Prezidente Nasionál RSL ho ekipa tanba Museum rezisténsia ne’e fatin istórika Timor nian.
“Ita hotu hatene, Museum fatin ida ne’ebé istórika Timor nia. Ita hotu hatene fatin nee mak konserva no prezerva istória Timor-Leste nia liu-liu b prosesu ba libertasaun durante 24 anos, Museum fatin ba éroi sira hotu-hotu mai hela ba, sira ne’ebé mate sakrifika sira nia vida ba rai ida-ne’e hodi defende direitu Timor-Leste nia,”tennik Jorge.
Diretór Ezekutivu ne’e mos fo nia rekomensaun ba Prezidente Nasionál RSL kona memorandu entre TL ho Austrália.
” Iha hau nia vizita ba Austrália Camber iha tinan 2015, iha ne’eba dokumentu Timor-Leste nia, liu-liu ba prosesu libertasaun Nasionál Timor-Leste nia, ida seluk kona-ba Segundu Guera Mundiál, no ida seluk mak dokumentu ne’ebe momentu sira halo peskiza kona-ba ita rekursu minais. Entaun dokumentu sira ne’e agora daudaun iha hela Museum Austrália nian,” haktuir Jorge.
Maibe, nia dehan iha altura ne’eba seidauk iha asina memorandu ida ho Prezidente sesante, hanesan Diretór Ezekutivu foun hakarak estabelese memorandu ida ho Prezidente RSL Nasionál Austrália nian, atu nune’e bele hetan dokumentu importante sira kona-ba Timor. (lx)
