DiliPost.com-Prosesu dada Kadoras mai Timor Leste (TL) bazeia ba estimasaun tempu sei anunsia iha fulan Jullu tinan 2024.
Tuir reprezentante espesial Greater Sunrise husi Australia, Steve Bracks informa katak dadaun ne’e kompañia ne’ebe toma responsabilidade ba estudu viavilidade foun, esforsu hela nune’e tuir estimasaun posibilidade iha fulan Jullu 2024 sei anunsiu rejultadu final ba publiku kona ba prosesu lolos atu dada Kadoras mai TL ka ba Australia.
“Ami deskute buat barak kona ba ida ne’e, maibe atu dada kadoras Greater Sunrise mai Timor Leste sei atualiza iha Tempu badak, tan ne’e imi sei hatene informasaun foun bainhira remata ona estudu viavilidade ne’e iha tinan oin konba estudu foun ne’e,”Steve Bracks informa asuntu ne’e hafoin hasoru malu ho Primeiro Ministru Xanana Gusmão iha Palasiu Governu, Segunda (11/12).
Nia afirma Australia kompremitidu atu apoiu TL hodi dezenvolve projeitu Greater Sunrise ba oin, maibe sei hare ba viavilidade komersiu no ekonomia nian.Tan ne’e mak iha tinan oin iha ona desizaun foun ba negosiasaun ida ne’e.
“Ami enkontru ho Primeiru Ministru, koalia liu kona ba Progressu ne’ebe agora lao dadaun ona, i koalia mos kona ba pasu tuir mai atu dezenvolvementu Greater Sunrise nian,liu liu kona ba konseitu ka estudu ne’ebe agora lao dadaun, espera bele iha progressu hodi bele lao ba oin,”tenik Steve.
Aliende ne’e reprezentante espesial Greater Sunrise hatete husi kompañia sira deside ona atu halo estudu vijibilidade ida ba dezenvolvimentu Greater Sunrise.
Entaun, estudu ida ne’e hare kona ba maneira ekonómiku ida ne’ebé diak liu atu dezenvolve iha Timor ka Iha Darwin, tanba agora iha mudansa barak iha Darwin, ne’e duni sira tenke hare lai.(JAVEL)
