Nova Iorke, (DILI Post)—Primeiru-Minstru (PM) Kay Rala Xanana Gusmão ofisialmente lansa livru kona-bá ‘𝐇𝐚’𝐮-𝐧𝐢𝐚 𝐓𝐚𝐬𝐢, 𝐇𝐚’𝐮-𝐧𝐢𝐚 𝐓𝐢𝐦𝐨𝐫’, iha The Explorers Club, Nova Iorke (24/09/2024).
Serimónia lansamentu ne’e marka prezensa hosi, espesialista Oseanográfu Mundiál Dr. Sylvia Earle ho ekipa ne’ebé hodi fahe matenek no koñesimentu bá Governu Timor-Leste (TL) kona-bá signifikativa biodiversidade mariña Timor-Leste nian ho esforsu dedikadu sira país nian atu konserva ambiente mariñu.
Eventu Ekonomia Azúl Timor-Leste ne’ebé importante ne’e sei destaka país ne’e ninia planu jestaun Oseanu sustentável.
Serimónia ne’e partisipa mós hosi korpu diplomátiku sira hosi Portugál, Ministru Negósiu Estranjeiru no Kooperasaun, Bendito dos Santos Freitas, Reprezentante Permanente Timor-Leste bá ONU, Dionísio da Costa Babo Soares, Embaixadór Timor-Leste bá Estadus Unidus Amerika, José Luis Guterres no konvidadu espesiál sira seluk.
Reportajén:Dili Post.
