Dílipost.com, Loron 08 janeiru 2026 – Governu Konstitusionál informa ba públiku katak sei hala’o lansamentu ofisiál konstrusaun estrada iha Munisípiu Ermera, hanesan parte husi esforsu kontinuadu atu hadia infraestrutura rodoviária no hasa’e dezenvolvimentu sosio-ekonómiku.
Iha loron Segunda-feira, 26 Janeiro 2026, Governu sei hala’o Lansamentu Konstrusaun Estrada Gleno–Letefoho. Projetu ida ne’e esperadu bele hadia ligasaun transportasaun entre suku no postu administrativu sira, hodi fasilita mobilidade komunidade no servisu públiku.
Tuir mai, iha loron Tersa-feira, 27 Janeiro 2026, sei hala’o mos Lansamentu Konstrusaun Estrada Ermera Vila, ne’ebé sei kontribui direitamente ba hadi’a asesu urbana, movimentasaun ekonomia lokál no seguransa trafiku.
Governu reafirma kompromisu atu kontinua investe iha infraestrutura estratéjika hodi garante dezenvolvimentu inkluzivu no sustentável ba ema hotu iha Timor-Leste, liu-liu iha área rurál sira.
