DiliPost.com- Akontese Dezastre Naturais iha Nasaun Myanmar no Tailandia iha loron 28 fulan Marsu tinan ne’e hamete sidadaun lubuk ida.
Husi akontesementu dezatre rai-nakdoko boot iha rai rua ne’e ulun boot relijiozu sira mundu halibur malu hamutuk ho organizasaun internasionál Heavenly Culture, World Peace, Restoration of Light (HWPL) iha loron Sabadu, 5 Abril 2025.
Anunsia konferénsia kona-ba Orasaun Interfesa Mundial ba Pas no Rekuperasaun lalais ba akontese dezastre naturais iha Myanmar no Tailandia.
Liu husi Konferénsia ne’e sira hato’o preokupasaun no halao mos orasaun ba fulan ida ne’ebé hala’o iha loron ida nia laran.
Atu nune’e rai-nakdoko ida-ne’ebé aat tebes halo sidadaun maizumenus ema nain-3.000 mak hela iha fatin refere mak sai vitima ho akotesementu ne’e.
Ho nune’e HWPL organiza konferénsia orasaun globál ida-ne’e hodi fó kmaan, hametin solidariedade internasionál, no promove asisténsia ba área sira ne’ebé afetadu.
Tan ne’e lider relijiozu sira husi nasaun 10 liu partisipa iha inisiativa globál ida-ne’e, hodi hato’o orasaun ba rekuperasaun lalais iha rejiaun sira ne’ebé afetadu husi rai-nakdoko.
Eventu ida-ne’e promove pás, solidariedade, no apoiu umanitáriu no mós hasa’e konsiénsia kona-ba esforsu atu ajuda dezastre. Partisipasaun la’ós de’it husi lider relijiozu sira maibé mós husi públiku jerál nia objetivu mak atu hametin solidariedade internasionál liuhusi kbiit orasaun nian.
Aleinde ne’e, HWPL sei uza plataforma online Padlet atu fasilita inisiativa orasaun relatóriu fulan-fulan nian, hodi permite ema iha mundu tomak atu fahe sira-nia orasaun no mensajen apoiu nian.
Dosente husi Akademia Budista Sitagu Ketumati iha Myanmar, Venerable Nanavamsa, hateten sira simu informasaun di’ak husi HWPL katak HWPL iha planu atu hala’o reuniaun orasaun ba lider relijiozu sira atu kontinua fahe informasaun kona-ba situasaun rai-nakdoko iha Myanmar no Tailandia.
“Ha’u tuir reuniaun orasaun nian nu’udar ulun-nain ba Maromak. Hamutuk ho membru HWPL sira, ulun-nain relijiozu sira husi rai oioin halibur hamutuk hodi hatudu hanoin ida de’it. Reuniaun sira-ne’e mak buat ne’ebé importante tebes. Ita-nia orasaun no mensajen solidariedade nian fó kmaan tebes durante tempu susar ne’e,”tenik Venerable.
Sikun seluk Profesor nu’udar asesor ba Igreja India Sul,Alfred Stephen hateten sira mós halo orasaun hein katak Maromak sei lori dame no esperansa ba ema sira ne’ebé hetan terus.
“Ami sente non preokupa maluk maun-alin sira iha Myanmar no Tailandia. No ami hamutuk ho imi iha imi-nia moris no espíritu iha imi-nia terus no luta. Ami halo orasaun atu maromak bele hamoos imi-nia matan-been hotu,”subliña nia.
HWPL iha ona kompromisu ba inisiativa pás globál sira, hodi promove armonia interfeitu no asaun umanitária sira. Konferénsia orasaun ne’e hanesan pasu importante ida hodi haforsa esforsu hirak-ne’e, hametin solidariedade internasionál, no ajuda rekuperasaun ba área sira ne’ebé afetadu husi rai-nakdoko.
Hafoin dezastre naturál sira foin lalais ne’e, HWPL hahú ona kampaña globál ida-ne’ebé bele koalia iha nivel internasionál.(**)
