DILI Post News – DNTM konfirma ró plataforma mina WOODSIDE para hela iha tasi Ataúro no Díli, depois de halo verifikasaun kona-ba movimentasaun ró nian iha área marítima Timor-Leste.
Nota informativa Iha loron 09 dezembru 2025, ekipa DP asesu Liu husi Direção Nasionál Transporte Marítima (DNTM) konfirmadu ona identifikasaun ba ró ne’ebé para hela iha tasi área Ataúro no Dili Timor-Leste. Tuir DNTM, ró refere hanesan tipu Plataforma Mina, no mak pertense ba kompanhia petrolífera WOODSIDE.
Tuir dadus movimentasaun, ró plataforma ne’e sai husi Xina – Singapura – Díli – Perth (Australia). Objetivu prinsipal atu to’o iha Díli maka halo crew change no simu apoiu logistika antes de kontinua ba Perth.
Ró plataforma ne’e sei dada husi ró rebokador haat (4) hamutuk ho ida (1) ró akompañamentu, Atividade logistika no movimentasaun ró ne’e hetan fasilitasaun husi agénsia marítima ANL.
DNTM informa ona movimentasaun no estadu ró refere ba COMAR no UPM hanesan parte koordena governu nian. DNTM dehan mos katak sira agora hela hein klarifikasaun oráriu atu halo inspesaun oficial ba ró plataforma ne’e.
Fontes kredivel hateten Ro ne’e mai para temporário de’it hodi sai liu ba sira nia kampu minarai nian iha Western Australia.
Jornalista : Azacsi Quintão
