Diretór ESGP Cristal, Rafael Sabio
DiliPost.com-Ensinu Sekundaria Jeral Privadu Cristal,(ESGP) rezeita total ho informasaun ne’ebé espalla iha Media Sosial (MedSos) liu-liu Facebook konaba atendementu Diploma ilegal
Diretór ESGP Cristal, Rafael Sabio hato’o asuntu ne’e ba online DiliPost hafoin partisipa Misa Fulan Marsu nian no abertura atividade Oratóriu Dom Bosco Iha Cristal Sabadu,(29/03/2025)
Tuir nia katak, Ema ne’ebe espalla informasaun ema nee la komprende, eskola iha mundu nunka prepara diploma iha liur, ne’e la iha tanba atu halo diploma bazeia ba Estudante ne’e partisipa maximu iha eskola no tuir Exame Nasional mak foin bele hetan Diploma ida.
“Ha’u hanesan Diretor iha Eskola ida ne’e, rezeita total informasaun ne’ebe, ema espalla iha publiku ne’e laloos,”dehan diretor eskola ne’e.
Nia haktuir atu halo Diploma ba estudante sira ne’e tenke mai husi Ministeriu Edukasaun prepara diploma sira ne’e mak bele distribui bazeia ba total estudante neebe maka finalista iha eskola refere liliu iha Cristal ninian.
Nia mos relata kona ba ninia prosedimentu maka ne’e Primeiru Estudante ne’e atu. tama ba iha finalista preparasaun ba ezame nia tenke akaba ninia estudu iha
Nivel Ensinu Baziku terseru siklu. Tenke mos iha diploma original ida ne’e maka submete ba Ministeriu katak avaliasaun husi Ministériu Edukasaun katak ida ne’e maka prontu atu tuir ezame iha tinan ida ne’e ninia laran.
“Hafoin de halo avaliasaun hotu tiha, husi Ministeriu Edukasaun mak distribuisaun Blanko ne’e mai iha Eskola, ami hakerek hotu kontinua Ministeriu fo fiar ba iha Diretor Edukasaun Munisipiu ami rua asina ona maka foin halo distribuisaun ba iha Finalista nivel sekundáriu, ne’ebe, karik mosu informasaun sira iha Media ne’e laloos,”Nia konta
Enkuantu Diretor ne’e mos husu ba publiku atu labele fahe tutan no labele fiar informasaun ne’ebe maka laloos
“Hau husu ba joven estudante sira keta fiar lia falsu, tamba hatene katak eskola laiha direitu atu prepara diploma ba estudante hotu-hotu tamba aru halo diploma, Blanko ne’e mai husi Ministeriu edukasaun,”hakotu nia.(any)