DiliPost.com-Prezidente Repúblika (PR), José Ramos Horta aseita, Governu Timor-Leste (TL), ninia apoiu umanitáriu ho osan montante $ 2,5 Milliaun ba vítima inundasaun iha Provínsia Bali-Republik Indonesia (RI).
Apoiu umanitáriu Governu TL nian Milliaun $ 2,5 Milliaun ba Bali-RI di’ak loos. Se Governu hare’e posibilidade atu ajuda uitoan di’ak halo parte, primeiru espiritu umanitáriu, segundu halo parte Diplomásia tradisaun TL.
“Ita nia viziñu Bali-RI Timor-Oan hira mak iha ne’eba, Timor-Oan rihun ba rihun iha RI,”hateten PR-Horta partisipa iha abertura serimónia Nasionál Salvaguarda Patrimóniu Audiovisual liu husi Teknolojia Modernu iha AMRT, Kinta-feira feira ne’e.
Posibilidade
PR-Hort konfesa, se Governu hare’e posibilidade atu ajuda uitoan ne’e, di’ak halo parte. Se Governu hare’e posibilidade atu ajuda uitoan di’ak halo parte, primeiru espiritu umanitáriu, segundu halo parte Diplomásia ne’e, tradisaun tiha ona TL nian.
Populasaun
Uluk kedas só I Governu konstitusionál, bainhira iha Tsunami iha RI, Primeiru-Ministru (PM), Marí Alkatiri osan la iha, maibé nia deside halo Cek ida $ 5,00 Mill ba RI. Depois populasaun rasik rekolla hamutuk $ 100 Mill,”bainhira ha’u akompaña Maun Bo’ot Xanana (MBX), ba entrega Prezidente Susilo,”nia hateten. Nia reforsa, sira iha RI emosionadu loos, TL primeiru paíz Mundu halo donativu ne’e. Nia fó ezemplu, iha Nova Iorke Sekretáriu Jerál (SekJer), Kofi Anan ko’alia sa’i ida ne’e, iha Konferénsia Inprensa (KI), nia hateten TL primeiru paíz Mundu kontribui ba RI.
Umanidade
Purtantu, buat hirak ne’e, importante hatudu,”ita nia umanidade purtantu ha’u konkorda,”PR-Horta hakotu.
Antes ne’e, Govenu TL apoiu osan ho montante $ 2 Milliaun ba Provínsia Bali-RI ho intensaun asisténsia umanitária no rekuperasaun ba populasaun hirak ne’ebé afeta husi inundasaun.
Governu liu husi reuniaun extraordinariu, Konsellu Ministru (KM), hirak ne’ebé hala’o iha Palasiu Governu Sesta-feira (12/09/2025), hato’o ninia Solidariedade ba povu, Governu RI no Autoridade Provínsia Bali, hare’e ba efeitu destruidór husi inundasaun akontese iha illa ne’e, iha loron hirak liu bá.
Doasaun
Kontestu ida ne’e, Aprova ona projetu Rezolusaun Governu aprezenta husi PM, Kay Rala Xanana Gusmão autoriza doasaun $ 2 Milliaun ba Provínsia Bali-RI ho intensaun atu apoia esforsu asisténsia umanitária no rekuperasaun populasaun hirak ne’ebé afetadu,”sita iha KI fó sa’i husi Gabinete Prezidensia Konsellu Ministru (GPM).
Rezulta
Enkuantu, Governu fó apoiu tanba akontese inundasaun bainhira udan bo’ot halo mota nakonu no rai halai, hodi rezulta pelu menus ema na’in-14 mate, ema barak lakon no ema atus ba atus dezlokadu.
Akontesimentu hirak ne’e, kauza estragu maka’as ba uma, Estrada, ponte no Infraestrutura sira seluk no estragu ba atividade Ekonómika Lokál, inklui área hirak ne’ebé iha importánsia Turíztika.(lx)
