Dílipost.com, Loron 20 Juñu 2026,- Prezidente Repúblika José Ramos-Horta hato’o Parabéns ba Primeiru-Ministru Kay Rala Xanana Gusmão selebra ba dala 80.
” Iha loron importante ida-ne’e, bainhira nasaun no mundu selebra tinan 80 ba ita-nia moris, ha’u espresa ha’u nia admirasaun pesoál gratidaun no domin maun-alin ba ita, Durante dékada ualu nia laran, ita-boot nia moris sai nu’udar testemuña ida aten-barani, reziliénsia, no domin ne’ebé la nakdoko ba ita-nia rai doben Timor-Leste. Ita mak sei sai nafatin fuan ba ita-nia nasaun, nia luta no nia espíritu ne’ebé dura.” Hato’o Prezidente liu hosi Komunikadu Imprensa ne’ebé Dílipost.com asesu hosi Ofisiál Prezidente Repúblika.
Nia haktuir ohin loron, lian ne’ebé povu Timor-Leste rekoñese instantaneamente, lian ne’ebé moris ona iha sira-nia fuan durante jerasaun ida, mak lian lejenda moris nian.
” Povu bolu ita-boot Avo Nana termu ida ho domin ne’ebé kle’an tebes, no sira halo nune’e tanba sira hatene, hanesan ha’u hatene, katak ita-boot maka sira nia eroi ida ba ita-nia nasaun nia independénsia,”
Prezidente dehan viajen estraordináriu husi foho sira rezisténsia nian, liuhusi susar sira kapturasaun no dadur nian, ba kargu aas liu estadu nian mak istória ida ne’ebé sei konta ba sékulu barak.
” Iha tinan ba 80 ida-ne’e, ha’u agradese ba ita-nia sakrifísiu, ita- nia vizaun no ita-nia amizade ne’ebé metin. Ita maka símbolu ida ba ita-nia istória, no esperansa ba foin-sa’e sira. Maromak kontinua haraik bensaun ba ita ho saúde, matenek, no ksolok ne’ebé ita merese tebes,” konklui PR Ramos-Horta.
Jornalista: Anita silva
