DÍLI Post- Turista Estranjeiru Husi Nasaun oin Oin, iha Kontenente ,Amerika, Europa, Afrika,no Asia Hamutuk Rihun Ida Resin ,Vizita Timor Leste iha Kuarta Feira dader ne’e.
Turista Hirak ne’e Mai ho Ró Bo’ot Rua ho Naran Seabourn Sojour tula Turista hamutuk 354 no Seabourn Odyssey ne’ebe tula Pasajeiru ka Turista hamutuk 450 no crew ema nain 390 Resin, ne’ebé Husi Diresaun Australia Mai Timor Leste.
Diretora Nasional De Marketing Turismo no Relasaun Internasional, Ivania Ross Ximenes Goncalves Komfirma Passajeirus no Turista sira ne’e ,Vizita Timor Leste ho Objektivu atu hare Fatin Turistiku, Sitio Relijiosu no Fatin Historiku sira iha Kapital Díli no Munisípiu Ermera.
“Ró ne’e Turista nian sira husi Australia atu ba Kupang Indonezia ,entaun sira hakarak mai liu husi iha ne’e hodi Vizita ita nia Rai ,total Turista sira ne’e hamutik rihun ida.”imforma Diretora Nasional De Marketing Truismo Relasaun Internasional ne’e iha Portu Díli Kuarta ne’e. (6/3).
Diretora Nasional De Marketing Turismo Relasaun Internasional ne’e Hatete, Turista sira ne’e mai husi Nasaun Estadus Unidos Amerika, Australia, Canada,Reinu Unido, Nova Zelandia, Alemafia, Austria, Xina, Indonézia, Singapura, Afrika do Sul no seluk tan.
Ivania Esplika Turista sira ne’e sei hala’o Vizita ba fatin Turistiku iha Dili mak Hanesan, Dare Memorial, Muzeu rezisténsia, Chega Muzeum, Timor Plaza, Tais Market kolmera Semiterio Santa Kruz, Cristo Rei no Tasi ibub Dolok oan.
Enkuantu Turista sira mós sei hala’o Vizita ba Gleno Munispíu Ermera hodi hare Prosesu Produsaun Kafe.
Turista sira ne’e sei Vizita Durante oras Walu nia Laran iha Timor Leste, nune’e iha Parte Lorokaraik sei Kontinua Viajém ba Kupang Indonezia.
Durante Prezensa Turista sira ne’e iha Kapital, Hetan mos Seguransa Maxímu husi Polisia Nasional Timor Leste (PNTL), Hodi fo Seguransa ba Vizita Turista sira.
Jornalista :Javelino Da Silva
