DILIPost.com- Malázia, 10 julu 2025 Govemu Timor-Leste entrega ona karta ba Governu Myanmar ho intensaun atu haforsa kooperasaun bilateral entre nasaun rua.
Karta ne’e entrega husi Embaixadór Timor-Leste nian ba Malázia, Lisualdo Gaspar ba reprezentante Govemu Myanmar Sekretáriu Permanente Ministériu Negósiu Estranjeiru Myanmar, Aung Kyaw Moe, iha marjen Enkontru Ministeriál ASEAN ba dala 58 iha Sentru Konvensaun Kuala Lumpur Malázia
Minitru Negósiu Estranjeiru no Kooperasaun, Bendito dos Santos Freitaskonfira, karta ne’e entrega ona ba reprezentante Governu Myanmar nian iha Malázia bazeia ba pedidu ne’ebé husi Governu Myanmar.
“Ohin ita aprezenta ona karta tuir pedidu ne’ebé sira husu liu husi ita-nia Embaixadór ne’ebé baze iha Kuala Lumpur Malázia, karta ne’ebé ita halo, ita mós ba Ministru Prezidénsia Konsellu Ministrus, Agio Pereira ami haree iha ntendimentu hamutuk mak karta ne’e hasai. Konteudu karta ne’e ami seidauk bele dehan, tanba ne’e to’o ba karik sira fó resposta,” hatete Ministru Bendito Freitas.
Ministru Bendito haktui, karta ne’e Governu Timor-Leste esplika konaba ka’er prinsípius no valores hanesan respeita direitus umanus, estadu direitu demokrátiku no seluk tan.
“Timor-Leste esplika mós iha karta ne’e katak, ka’er nafatin ba prn sipiu ida, ne’ebé ita sempre mai husi luta ida naruk hodi defende valores justisa, demokrasia no direitus umanus, tanba ne’e ita hato’o nafatin ita-nia pozisaun ba asuntu ne’e,’ dehan tan.
Entretantu konteudu kompletu husi dokumentu ne’e seidauk bele fó-sai ba públiku, tanba konfidensiál, tanba foiin entrega no hein resposta husi Governu Myanmar. (Azacsi Quintao)
