DiliPost.com-Sekretáriu Estadu Formasaun Profisionál no Empregu (SEFOPE) Rogerio Araujo Mendonça Esplika ,Relasiona hola Materia Teste ba kandidatu traballadór timor-oan bá serbisu iha Austrália, ne’ebé daudaun espalla iha públiku ne’e lalo’os ka HOAX , tanba iha Ema Balun ne’ebé inResponsabilidade Aktus ne’e hodi hamosu Preokupasaun Publiku.
Tanba ne’e SEFOPE Apela ba Sidadaun hotu hotu Atu labele fiar Imformasaun ne’ebé vital iha Rede sosial Facebook no Whatsapp.
Tuir Rogerio Araujo Mendonça katak Materia Teste Engles ba Vaga Australia sira Munispíu 13 no Rejiaun Administrativu Espesial Oekusi Ambeno RAEOA, Sei la hanesan ,tanba materia sira ne’e prepara husi Empregador sira,nune’e kada Munispíu Materia sei la hanesan.
“Matéria teste ba kandidatu traballadór Austrália ne’ebé ita lansa ona iha Oé-cusee no munisípiu ha’at(4) ne’ebé mosu iha públiku, iha ema irresponsabilidade lansa informasaun falsu iha públiku katak matéria ezame ne’e ‘bocor’ ona ka espalla ona iha ita-nia joven sira-nia liman, Ida-ne’e atu hateten katak informasaun ne’e falsu, ne’ebé atu dehan lista pergunta ba teste ne’e kada munisípiu lahanesan,” Sekretáriu Estadu, Rogério Araújo Mendonça, hato’o klarifikasaun ne’e liuhosi konferensia imprensa(KI), iha salaun SEFOPE, Caicoli segunda (04/03).
Governante ne’e mós fó razaun katak elaborasaun matéria ezame ne’e la’ós de’it ekipa hosi SEFOPE maibé kolabora ho Pacific Labour Scheme (PLS).
“Atu hala’o atividade ida-ne’e, dirijente no funsionáriu SEFOPE desloka ba munisípiu hodi akompaña nune’e bele garante kualidade. Informasaun katak funsionáriu balun mak espalla matéria, atu dehan matéria ne’ebé prodús la’ós SEFOPE mak elabora de’it maibé serbisu ekipa,” nia akresenta.
Nune’e, SEFOPE garante katak teste ne’e kualidade, tanba ne’e husu ba entidades sé de’it, tenke hatudu evidensia ruma ne’ebé hatudu funsionáriu balun envolve.
“Ami garante katak teste ne’e kualidade tanba ne’e ami husu ba entidades se de’it tenke hatudu evidensia ruma ne’ebé mak hatudu karik iha funsionáriu balun mak envolve hotu iha laran”.Nia Alerta.
Aleinde ida ne’e relasiona ho notisia ne’ebé mak espalla iha media sosial Kona-ba Traballadór Re-entry, mai Timor labele fila ba Austrália, traballadór Re-entry sira ne’e, iha duni abilidade mak ohin loron kompañia bolu fali sira ne’e, maibé sei hapara Traballadór Re-entry ne’e sei la akontese.
“Tanbá ne’e, Joven sira ne’ebé mak Re- entry signifika sira iha kapasidade, abilidade, atitude no komportamentu ne’ebé diak mak kompañia bolu fali sira ne’e ba servisu fila-fali iha Austrália ou korea”.
Traballadór re-entry sei sai ezemplu di’ak ba traballadór sira foun, tanbá ne’e SEFOPE husu ba traballadór foun sira tenke banati tuir sira ne’ebé ba mai tiha ona ne’e.
“Momentu ida ne’e mós atu hateten ba públiku katak ita nia jovem sira ne’ebe mak Re-entry sai ezemplu diak ba Traballadór foun sira ne’ebé mak atu ba servisu iha Austrália no Korea,”(Dehan SEFOPE).
Reportajén:Julia
