DiliPost.com-Amo Paroku Imaculada Conceição da Virgem Santa Maria katedral Dili, Padre Paulus Maya informa, Preparasaun ba simu Sua Santidade Papa Francisco ba loron 10 fulan Setembru iha ona faze final.
Iha sorumutu entre sua Santidade Papa Francisco ho bispu, Padre, Madre no Katekista sira inklui mos ema moras ne’ebe sei realiza iha Katedral Dili.
Nune’e, liu husi preparasaun Paulus Maya haktuir kona ba simu Amu papa nia vizita iha uma kreda ida ne’e, ho sira nia meius no kapasidade, ho hotu-hotu ninia kontribuisaun, preparasaun ne’e to’o ona ninia faze final.
“Enkontru ida ne’e apropriadu ba Reliziozu, Bispo, Padre, Madre sira no Katekista sira, maibe Leigos sira la involve, ida ne’e enkontru ida ne’ebé espesifiku entre Amu Papa ho Konsagradus no Konsagradas sira,”dehan Pe.Paulus ba Jornalista iha Katedral,Vila-Verde Dili,Sabadu ohin.
Nia hatutan kona ba partisipantes ne’ebe sei sorumutu ho Sua Santidade Papa Francisco hamutuk Rihun ida resin inklui ema moras sira
“Ita nia numeru ne’ebé iha mak hamutuk Mill i tal preparasaun tenda iha liur area katedral nian Sua Santidade sei liu nomos ba ema moras sira ne’ebé sei tuir, hamutuk ema 100 resin,”tenik Amu Paroku ne’e.
Enkuantu, Parokia katedral too data ikus rejistrasaun hamutuk ema nain Rihun Sanulu oferese ona kaos ba sira.
Jornalista Anita Da Silva
