DiliPost.com – Formandu nain 10 ne’ebe kompleta ona formasaun teoria ho durasaun tempu fulan ida no pratika internal fulan ida no halao mos estajiu fulan rua ba formasaun jornalizmu baziku.
Ho termina formasaun ne’e, Sesta feira (17/11) ohin, Sentru Formasaun Jornalizmu Timor Post (SFJ TP) atribui sertifikadu ba formandu kualifikadu ne’ebe sira rasik produs.
Iha atribuisaun sertifikadu ba formandu nain 10 ne’ebe realiza iha Salaun SFJ Timor Post Bebora.
Diretora Sentru Formasaun Timor Post, Santina da Costa Araujo relata ba partisipantes ne’ebe partisipa iha serimonia enseramentu atribui sertifikadu ba formandu katak sentru formasaun Timor Post produs ona formandu barak agora to’o turnu 73.
“Formandu ne’ebe produs husi sentru ne’e rasik barak agora balun dadauk ne’e hetan kargu hanesan Ministru no balun sai jornalista profesional iha media barak,” haktuir Diretora SFJ ne’e.
Nia mos relata kona ba formasaun turnu 73 iha formandu 19, maibe nain sia la konsege remata sira nia formasaun, nain 10 realiza sira nia formasaun too remata.
Aliende ne’e, nia esplika iha sentru ne’e rasik iha formasaun kona ba formatu hakerek, fotografer Baziku, inklui mos komputador no Lian ingles Kona ba jornalista nian.
Iha opurtunidade ne’e nia husu ba xefi suku eleitu Bairo-Pite,Joanina Alves Soares no Diretora Movimentu Feto Foinsae (MOFFE), Jasinta Lujina ne’ebe partisipa mos iha serimonia enseramentu ne’e, atu bele fo hatene ba foinsae no sosiedade sira ne’ebe hela iha fatin refere labele lakon esperansa hodi hakat mai iha SFJ Timor Post area Jornalista nian.
Fatin hanesan Diretor Ezekutivu Timor Post Jacob Ximenes hato’o agradese ba DILI Post hodi hametin nafatin kooperasaun entre kompañia rua ne’e hodi simu nafatin formandu sira husi Timor post ba estajiu iha DILI Post.
Nia mos apela ba formandu sira ne’ebe remata ona formasaun labele too iha ne’e deit bele kontinua promove an hodi bele sai mos jornalista profesional iha area media, no bele mos habelar buat ne’ebe durante nee aprende iha sentru ida ne’e.(JD)
