DILI Post -Ministro Justisa (MJ),Sergio Hornai hateten iha tempu badak laran se’i konvoka enkontru ho konsellu konsultivu seitór Justisa hodi ko’alia konaba estabesimentu STJ agora daudaun iha faze preparasaun liu-liu hare’e ba iha estrutura, Lei sira inklui Infraestrutura.
Konaba Estrutura ba Juiz Konsilleru atu tu’ur iha STJ agora daudaun hahú hala’o ona identifikasaun ba kuadru pesoal sira liu-liu Juiz s atu tu’ur iha STJ ne’e, iha hela prosesu nia laran.
“Konaba estabelesimentu Supremu Tri- bunál Justisa (STJ),”ita iha Konsellu konsultivu seitór Justisa ne’ebé envolve Minis- tru Justisa (MJ), Prezidente Tribunál Rekursu (PTR),Prokurdór Jerál Repúblika (PJR), Defensór Públiku Jerál (DPJ), oinsá bele hare’e dezeñu Polítika liu-liu ba STJ futuru,”Sergio Hornai hateten ba Jornalista hafoin hala’o abertura ba VI formasaun ba Advogadu tinan ne’e, iha Sentru Formasaun Juridiku no Judisiaria Caicoli, foin lalais ne’e.
Governante ne’e Hatutan Juiz Konsileiru ba TSJ konserteza ninain Preferensia,”ita se’i hare’e ba iha Juiz sira ne’ebé iha liu-liu ita nia kuadru sira ne’ebé agora daudaun servisu hela iha Tribunál Judisiál Primeira Instánsia (TJPI),no segundu Juiz sira ne’ebé servisu iha Tribunál Segundu Instánsia (TSI) hodi nune’e, bele aban bain rua sira iha kbi’it halo servisu iha STJ,”nia adianta.
Ministro Justisa Subliña , ba rekrutamentu ba iha Juiz Konseleiru atu tu’ur iha STJ iha tempu badak se’i estabelese ekipa ida atu halo ba rekrutamentu ba ida ne’e, tu’ir Lei organizasaun Judisiariu haruka.
Komisaun ida ne’e, se’i estabese atu bele hare’e rekrutamentu ba Juiz atu bele ba iha postu Konseleiru ninian no situasaun ida ne’e, la’o daudaun hela.(octa)
