DiliPost.com–Polisia Nasional Timor-Leste (PNTL) liu husi komando Munisipiu Dili, hamutuk ho eskuadra Dom Aleixo kapturasaun suspeitu nain (5) ne’ebe involve iha kazu arama branka,iha Aldea Mane Mesak Suku Manleuana,Postu Administrativu Dom Aleixo Munisipio Dili.
Iha intervista Komandante PNTL Munisipiu Superintendente Xefe Polisia,Orlando Gomes informa, kazu ne’e akontese iha kinta kalan ho oras tuku 8:15 oras Timor -Leste,iha aldea Mane Mesak Suku Manleuana,Postu Administrativu Dom Aleixo Munisipio Dili, n’eebe vitima nain ida hetan baku no sona husi Suspeitu nain 5
“Horkalan iha kazu arma brankas ne’ebe maka iha suku Manleu,iha vitima ida ne’ebe mak sai servisu atu ba nia uma iha Manleu,ne’ebe iha dalan iha grupo joven balun ne’ebe mak hemu hela tua iha dalan ibun,halo provokasaun ba vitima no vitima ba to’o nia uma sente lasastivas,vitima fila -fali hodi buka suspeitu sira no baku malu,konsege suspeitu balun foti sefenda sona ba vitima nia kabas hetan kanek,”dehan komandate Orlando ba jornalista iha knar fatin Kaikoli Dili, Sesta feira (17/5) ohin.
Nia hatutan iha akontesementu ne’e parte PNTL komando Dili hetan informasaun husi komunidade sira,haruka kedas ekipa patroliamentu hamutuk ho Servisu Nasional Intelezen (SNI) halo kedas kapturasaun ba iha suspeitu nain 5.
“Kazu nee ita simu informasaun haruka kedas ita nia ekipa patroliamentu no ajuda husi SNI halo kapturasaun kedas ba suspeitu hirak ne’e iha fatin no lori ba iha eskuadra Polisia Dom Aleixo hodi halo prosesu de investigasaun,”haktuir Orlando.
Nia hateten vitima dadaun iha ona Hospital Guido Valadares hodi halo tratamentu saude,no suspeitu sira parte polisia halo kapturasaun no detein ono iha sela detensaun komando PNTL Munisipiu Dili.
“Ba kazu ne’e husi falimia vitima sira lori kedas ba Hospital Guidu Valadares hodi halo tratamentu saude,no suspeitu hamutuk nain 5 ita halo kapturasaun ba sira,no detein kedas sira iha sela detensaun komando Dili durante oras 72,” sublina komandante Munisipiu Dili ne’e.
Nia mos informa suspeitus sira ne’ebe Polisia halo kapturasaun ho naran inisial JX, JB, JS, JM ho CM.(aldo)
