DiliPost.com-Nasaun Timor-Leste (TL), nu’udar Nasaun juven ho karakteristiku ema iha Nasaun laran uniku tebes. Tanba, iha momentu kalan iha Estrada publiku nia ninin inventa ho movimentu oioin hanesan juven balun ho idade ki’ik halo hela movimentasaun sein iha objetivu.
Ida ne’e, la hatene, falta kontrolu husi inan-aman ou parte Autoridade Seguransa mak la halo sira ninia kna’a ho didi’ak. Tanba, situasaun la kontroladu entaun fo oportunidade ba oho dor ou kriminozu sira hodi termina ema seluk nia vida hanesan fali Maromak.
Pudia iha loron Koaresma buka hakbesik an ba Igreja hodi reza, halo asaun karidade liu husi dalan fo tulun ema kbi’it la’ek sira, maibe realidade hatudu mosu kriminozu a’as tebes. Liu husi dalan ta’a, tuda no oho. Ida ne’e, sai pergunta bo’ot ba ema hotu iha Nasaun ida ne’e.
Faktus hatudu, familia hakfodak iha dadersan rona teki-teki iha novidades Katak, Armandino Lemos Soares. Toba latan hela iha Estrada besik Simiteriu Becusse. La iha ona iss hari’is ho ran.
Ida ne’e, sai Misteriu ba familia, tanba la hatene Armandino monu mak hakotu iss ou ema ruma mak hakotu nia vida.
Tu’ir, kronolojia Mate-Bian (MB), Armandino, sa’i husi uma iha Taibesse Bairru-Karega Tiru iha loron Tersa-feira (27/02), tuku 08:00 kalan Otl. Dehan atu ba foti osan iha nia kolega.
Depois fila-fali mai uma iha tuku 10:00 kalan Otl. Depois sa’i fali ho nia kolega sira, maibe familia la hatene hakfodak iha dader madrugada Otl. Kuarta-feira (28/02/2024), tuku 4:00 madrugada Otl.
Iha juven balun nu’udar kolega husi MB Adino fo hatene katak, Adino mate toba latan iha Estrada besik Simiteriu Becusse nia oin.
Hala’i
Iha oras ne’e, kedas familia sira inklui MB nia aman-inan hala’i ba hare’e. Maibe, to’o iha fatin MB Armandino toba latan hela ho ran ne’ebe sulin iha Estrada laran ho kondisaun la iha ona iss.
Ho ida ne’e, familia husi MB Adino mos kontaktu kedas parte Saude nian ba iha Ospital hodi Amulansia mutin atu tula MB Adino. Maibe, la bele tula, tanba Adino iss la iha ona. Tenke tula fali ho Ambulansia metan. Lori ba iha Ospital hodi hein prosesu Autopsia.
Entrega
Ba asidente ne’ebe akontese ba Armandino hodi hakotu Adino nia vida halo familia hanoin hanesan Misteriu ida. Tanba, sa’i husi uma ho kondisaun di’ak, maibe fila uma ho kondisaun iss la iha ona.
Buat hotu familia entrega ba iha parte Seguransa hodi prosesa tu’ir Lei ne’ebe iha, karik hetan indikasaun ruma ho MB Adino nia mate.
Familia MB Armandino fi’ar katak, sira se’i hatene, iha tempu besik se’i hatene motivu husi Adino nia mate. Tanba, iha fatin ne’ebe Armandino toba latan ho ran sulin, iha CCTV ne’ebe leno hela. Ida ne’e, se’i sa’i evidensia forte ba Polisia Investigasaun bele hatene.
HNGV
MB Armandino nia mate isin foti uainhira parte Polisia Forensik tu’un iha fatin hodi foti MB Armandino nia isin mate ba iha Ambulansia, hodi ba iha Hospital Nasional Guido Valadares (HNGV), hodi hala’o prosesu Autopsia.
Mortuariu
MB Armandino nia mate isin oras ne’e, daudaun iha hela HNGV, iha Mortuariu hodi hein prosesu Autopsia, hotu hafoin entrega mate isin ba iha familia hodi ba halot.
Tu’ir informasaun ne’ebe Dili post, asesu iha MB nia familia, katak MB Armandino ho idade 22 no nia oan ba dala 5 husi maun alin nain 7, mane nain 5 feto nain 2. Adino hanesan oan mane ikun. No Armandino ema ne’ebe kalma respeita ema no gosta hase ema no Armandino nia moris nunka halo problema.(al)
