DiliPost.com-Lezada ho inisial J.D.S. hetan pankada husi nia ‘Selingkuh,’ tanba lezada bá foti nia bei oan iha Eskola Canossa no lezada manda SMS bá nia ‘Selingkuh’ dehan bá foti lazada no Lezada nia ‘Selingkuh’ hatan ho lia fuan la di’ak ou lia mal.
Lezada ho inisial J.D.S. hateten bá Tribunal, arguidu ho inisial D.B bá foti lezada iha Eskola Canossa no tula lezada ba Banku Mandiri atu selu osan propinas.
Maibé, iha karreta laran lezada nia Telefone lian lezada lakohi atende no arguidu atende lezada nia Telefone lian ho ida ne’e, arguidu nervozu tuku lezada nia ulun dala ha’at, basa oin no tuku ibun to’o ra’an.
Iha Tribunal lezada ho inisial J.D.S. deklara tan bá Tribunl katak, arguidu baku lezada hotu lori lezada bá arguidu nia uma iha Tasi-Tolu no halo relasaun sekxual. Ho ida ne’e, arguidu halo video halo lezada nia oin mak sa’i, iha tinan 2012 arguidu tebe lezada nia hirus matan to’o baixa iha Ospital. Maibé, lezada la halo keixa tanba lezada nia oan sira se’i ki’ik no lezada mo’e ba familia no vizinu sira,”lezada konfesa bá Tribunal Distrital Dili (TDD), foin lalais ne’e.
Tu’ir Juiza Jumiyati M. Freitas hateten bá Tribunal, arguidu tebe lezada nia hirus matan antes halo relasaun sekxual.
Ministru Públiku (MP), Ricardo Godinho hateten bá Tribunal, husi problema hirak ne’e, lezada la manda SMS bá arguidu. Maibé, arguidu dehan lezada se’i manda SMS bá arguidu no se’i bolu arguidu apa.
Iha biban hanesan Defeza Fernando hateten, bá Tribunal, iha momentu ne’ebá arguidu baku, tuku, basa no tuku lezada nia ibun to’o ra’an. Ho ida ne’e, nia entrega bá Tribunal atu kondena arguida.(*)
