DiliPost.com-Ta’uk labarik foin sa’e ho idade minoridade isin rua lalais, husi Ministeriu Soliriedade Sosial no Inkluzaun (MSSI), hodi hapara programa Bolsa da Mãe Jerasaun Foun (BMJF), iha Munisipiu hotu komesa 31 Dezembru 2023.
MSSI Veronica das Dores hateten, programa BMJF hapara, tanbá labarik sira agora ne’e, ho idade minoridade isin rua lalais hodi halakon sira nia futuru.
“Ha’u atu fo hatene, de’it konaba programa BMJF se’i remata iha 31 Dezembru 2023, maibé BMJF kondisional se’i kontinua no MSSI iha programa seluk,”hateten Veronica ba Jornalista iha Parlamentu Nasional (PN), foin lalais ne’e.
Mal-Nutrisaun
Tanbá ne’e, programa BMJF mosu iha tinan 2022 , agora Mal-Nutrisaun sa’e ba 47% no uluk BMJF la mosu, Mal-Nutrisaun mosu reduz nia pursentu ki’ik. MSSI se’i kria programa ida ne’ebé di’ak ho sustentavel. Atu nune’e, tinan 5 mai,”ita nia osan la bele hotu lalais, mina rai atu maran ona,”tenik Veronica.
Bainhira halo pagamentu ba labarik sira hodi sosa hahan hodi han, maibé inan lori osan ba ‘Bingo’ fali no ba sosa obralan (OB), osan hirak ne’e, gasta arbiru de’it, MSSI halo pagamentu ba hodi sosa hahan hodi han atu aumenta labarik sira nia Nutrisaun.
“Ita tenke halo analiza ida kle’an bele sustentabilidade, tanbá la iha estudu ida kle’an implementa programa BMJF katak, pagamentu ho osan $ 15.00-$ 20.00, ba labarik sira,”konfesa Veronica.
Se mak hateten, labarik sira simu osan hetan Nutrisaun di’ak no la iha estudu konaba nutrisaun ba labarik sira nia Nutrisaun. Tanbá, ida ne’e, MSSI fo ezemplu tinan 2 ema hamutuk 2.000 mak hetan isin rua.
Labarik foin sa’e hetan isin rua lalais, ida ne’e, fo impaktu ba sira nia futuru, tanbá ne’e, halo estudu kle’an ida hodi hare’e ba jeografikamente ho sustentabilidade no Nutrisaun di’ak ba labarik sira.
Governu ida la hanoin a’at ba nia povu, maibé Governu hakarak hadi’a labarik sira nia Nutrisaun no fo osan uza meius ida di’ak atu bele uza osan hodi sosa hahan hodi han ai-han ho Nutrisaun di’ak no fo Saude di’ak ba labarik sira.(ercia)
